U Vietkaŭskim rajonie troje dziaciej spaźnilisia na apošni aŭtobus. Da doma, a heta kala 40 km, źbiralisia dabiracca samastojna, paviedamlaje abłasnaja milicyja.
Uviečary 21 listapada ekipaž DAI Vietkaŭskaha RAUS pracavaŭ za horadam. Na abočynie darohi supracoŭniki ŭbačyli traich dziaciej. Jany, razmachvajučy flikieram, sprabavali spynić mašyny.
Supracoŭniki padjechali da dziaciej. Akazałasia, što starejšamu 15 hadoŭ, małodšym — 8 i 9 hadoŭ. Dzieci raspaviali, što žyvuć u Śviaciłavičach. Byli ŭ haściach u babuli ŭ Vietcy, ale spaźnilisia na apošni aŭtobus.
Mabilnych telefonaŭ u školnikaŭ nie było, i patelefanavać darosłym jany nie mahli.
Tamu vyrašyli dabiracca ŭ rodnuju viosku samastojna. Supracoŭniki DAI davieźli dziaciej da doma, tam ich užo čakali ŭschvalavanyja baćki.
