catholic.by
Piotr Piatraha pamior 20 kastryčnika na 66-m hodzie žyćcia. Jon byŭ probaščam parafii ŭ Kaścianievičach (Vilejski rajon), a taksama apiekavaŭsia viernikami parafii ŭ Ściešycach, piša catholic.by.
Pres-sakratar Rymska - Katalickaha Kaścioła na Biełarusi ksiondz Juryj Sańko raspavioŭ kraj.by:
- Apošnija dva tydni Piotr Pietraha ŭ balnicy znachodziŭsia ŭ komie, na aparacie štučnaj vientylacyi lohkich. U jaho dyjahnastavali karanavirus, ale, razam z tym, u ajca Piatra było vielmi chvoraje serca. Skazać pra jaho mahu tolki toje, što heta byŭ vielmi dobry čałaviek i śviatar, jaki pryśviaciŭ svajo žyćcio słužeńniu Bohu i ludziam.
Raźvitańnie projdzie ŭ Kaścianievičach 22—23 kastryčnika.
Pachavańnie adbudziecca 23 kastryčnika ŭ Krasnym Maładziečanskaha rajona, dzie Piotr Piatraha słužyŭ z 1994 pa 2006 hod.
Heta ŭžo druhaja śmierć katalickaha śviatara za apošni čas. 13 kastryčnika ŭ Lidzie ad nastupstvaŭ karanavirusa pamior probašč miascovaj parafii Juzaf Hańčyc.
