keystone
Fiederalnaja kancylaryja Šviejcaryi apublikavała ŭ aficyjnym vieśniku inicyjatyvu ab vypłacie 7500 šviejcarskich frankaŭ (kala siami tysiač jeŭra) kožnamu hramadzianinu krainy, uklučajučy dziaciej, piša meduza.io.
Kali da 22 krasavika 2022 hoda inicyjatyvu padtrymajuć 100 tysiač čałaviek, to jaje vyniesuć na refierendum, paviedamlaje šviejcarskaje ahienctva Watson. U vypadku, kali refierendum adbudziecca, to hrošy vypłaciać nie paźniej, čym praz hod paśla pryniaćcia inicyjatyvy.
Z prapanovaj vypłacić pa 7500 frankaŭ kožnamu žycharu krainy vystupili siamiora žycharoŭ kantona Sankt-Halen. Na dumku aŭtaraŭ inicyjatyvy, Nacyjanalny bank Šviejcaryi pavinien vypłacić «viertalotnyja hrošy», kab źnizić košt nacyjanalnaj valuty. Aŭtary idei ličać, što dla vypłaty nieabchodna nadrukavać novyja hrošy, a prapanavanuju sumu varta vyzvalić ad padatkaŭ.
