515 arhanizavanych plažaŭ adkrylisia z suboty ŭ Hrecyi z-za chvali 40-hradusnaj śpiakoty, jakaja pabiła dla maja rekord za apošnija 150 hadoŭ, pieradaje TASS.
Plažy dla arhanizavanaha adpačynku byli začynienyja 15 sakavika pa rašeńni ŭrada ŭ ramkach baraćby z raspaŭsiudžvańniem karanavirusnaj infiekcyi. Arhanizavanyja plažy płanavałasia adkryć z 1 červienia, adnak z-za vielmi haračaha nadvorja — słupok termomietra ŭ apošnija dni padymajecca ŭ cieni da 42 hradusaŭ — plažy dazvolili naviedvać užo z suboty.
Rabotniki plažaŭ pavinny abaviazkova na ŭvachodzie rehistravać kolkaść ludziej. Maksimalnaja kolkaść adpačyvalnikaŭ, jakija na ich dapuskajucca, składaje 40 čałaviek na 1000 kv. m. Minimalnaja adlehłaść pamiž vosiami parasonaŭ vyznačanaja ŭ 4 m.
Kafe, restarany, zakusačnyja i bary na arhanizavanych plažach pavinny pracavać tolki na vynas. Rasstaŭlenych stałoŭ nie pavinna być.
Situacyja z karanavirusam u Hrecyi ŭ paraŭnańni z mnohimi susiednimi jeŭrapiejskimi krainami paraŭnalna stanoŭčaja. Pavodle źviestak na 15 maja, kolkaść zaražanych karanavirusam u krainie z 27 lutaha skłała 2 810, vialikaja častka ź ich užo ačuniała. Za dva z pałovaj miesiacy pamierli 160 čałaviek z paćvierdžanaj infiekcyjaj.
Na dumku ekśpiertaŭ, nizkija pakazčyki infikavańnia źjaŭlajucca vynikam rańniaha ŭviadzieńnia žorstkich abmiežavalnych mier. Paśla pieršych troch vypadkaŭ zaražeńnia ŭžo 28 lutaha ŭ krainie admianili karnavały, 10 sakavika začynili škoły, 23 sakavika byli zabaronienyja vychady z domu biez uvažlivaj pryčyny i nieapraŭdanyja pieramiaščeńni na aŭtamabilach.
Z 4 maja častka abmiežavańniaŭ, u tym liku i na pieramiaščeńnie, była źniataja.
