Studenty Viciebskaha dziaržaŭnaha miedycynskaha ŭniviersiteta pačali pracavać u balnicach i paliklinikach, paviedamiła BIEŁTA prarektar pa vychavaŭčaj i ideałahičnaj pracy VDMU Volha Syradojeva.
Univiersitet pracaŭładkavaŭ na dobraachvotnaj asnovie kala 100 studentaŭ starejšych kursaŭ. «U abłasnuju kliničnuju balnicu syšło 36 čałaviek, jany pracujuć miedbratami i miedsiostrami. Niekatoryja ź ich pracujuć u adździaleńni intensiŭnaj terapii niepasredna z chvorymi na karanavirus. Bolš za 50 čałaviek aformlenyja na pracu ŭ palikliniki, u ich źmiena — 12 hadzin. Jany ekipijavanyja srodkami indyvidualnaj abarony», — adznačyła Volha Syradojeva.
Usim studentam buduć vypłačvać zarobak. Dla tych, chto pracuje ź inficyravanymi pacyjentami, jak i inšym miedykam, praduhledžany dapłaty.
Prarektar VNU dadała, što va ŭstanovach achovy zdaroŭja Viciebska i da pandemii pracavała šmat studentaŭ-miedykaŭ. U ciapierašniaj situacyi jany praciahvajuć pracavać u haradskoj kliničnaj balnicy chutkaj miedycynskaj dapamohi i stancyi chutkaj dapamohi.
Va ŭniviersitecie dla studentaŭ ukaranili sistemu kiravanaj samastojnaj pracy z dystancyjnym kansultavańniem. Vykładčyki pa videasuviazi kansultujuć miedykaŭ u rajonach Viciebskaj vobłaści, niekatoryja vyjazdžajuć na miescy.
