Va Ukrainie da 11 maja praciahnuli dziejańnie karancinnych abmiežavańniaŭ u suviazi z raspaŭsiudžvańniem COVID-19.
Adpaviednaje rašeńnie pryniata na pasiadžeńni Kabinieta ministraŭ Ukrainy 22 krasavika. Da hetaha abmiežavańni pavinny byli dziejničać da 24 krasavika, paviedamlaje UNIAN.
Pa słovach premjera Dzianisa Šmyhala, va ŭrada jość dakładny płan vychadu z karancinu, jon składajecca z 5 etapaŭ.
«Jość startavaja kropka realizacyi hetaha płana. My jaje ŭmoŭna možam nazvać dzień «K», heta značyć dzień kanca karancinu. Pačatak realizacyi našaha płana zmožam zapuścić pry ŭmovie spryjalnaj epidemičnaj situacyi. Pa našych prahnozach, hety dzień pavinien nastupić 11 maja. Tamu siońnia budziem praciahvać karancin da hetaj daty», — rastłumačyŭ Šmyhal.
Pavodle jaho słoŭ, dla pačatku vychadu z karancinu na praciahu 10 dzion adsotak vyjaŭlenych vypadkaŭ zachvorvańnia ŭ krainie pavinien nie źmianiacca, vahacca ŭ miežach plus-minus 5%».
Druhaja ŭmova — balnicy, zapoŭnienyja pacyjentami z COVID-19 mienš čym na 50%… Paśla hetaha idziom darožnaj kartaj vychadu z karancinu i realizujem nastupnyja 4 etapy», — dadaŭ jon.
Pa stanie na ranicu 22 krasavika va Ukrainie zafiksavana 6 tysiač 592 vypadki karanavirusnaj chvaroby.
