Kali našeńnie maski efiektyŭnaje, kamu patrebna samaizalacyja i ŭ jakim vypadku niebiaśpieka karanavirusa pavyšajecca — svaje mierkavańni i rekamiendacyi ŭ efiry ANT ahučyli biełaruskija miedyki.
Fota Nadziei Bužan
Uskładnieńni pry zaražeńni karanavirusam novaha typu bolš charakternyja dla ludziej ź ciažkimi chraničnymi zachvorvańniami, patałohijaj. Da takich vypadkaŭ zahadčyk terapieŭtyčnaha adździaleńnia Homielskaj haradskoj kliničnaj balnicy №4 Vital Aŭčyńnik adnosić, naprykład, patałohii sardečna-sasudzistaj sistemy, lohkich, nyračnuju niedastatkovaść.
«Samaizalacyja nieabchodnaja ludziam, jakija adnosiacca da kantaktaŭ pieršaha ŭzroŭniu. Uličvajučy, što heta zdarovyja ludzi biez kliničnych prajaŭ, jany mohuć znachodzicca doma», — skazała namieśnica hałoŭnaha doktara Mahiloŭskaj infiekcyjnaj balnicy Iryna Bas.
Tym, chto zdarovy, pa-raniejšamu nieabchodna bierahčy siabie i navakolnych: prytrymlivacca dystancyi, myć i dezynfikavać ruki, nasić masku tady, kali dla hetaha jość padstavy.
«Kožny čałaviek maje prava na faktary abarony, niachaj heta budzie maska, palčatki, niešta jašče. Ale pierachodzić razumnuju miažu nie varta. Kali čałaviek hulaje pa terytoryi, dzie bolš nikoha niama, našeńnie maski budzie vyhladać niedarečna, — ličyć zahadčyk infiekcyjnaha adździaleńnia №2 Bresckaj abłasnoj kliničnaj balnicy Mikałaj Suleŭski.
