Siužet kanała STB, u jakim ahladalnik Ryhor Azaronak samavyražajecca na temu karanavirusa, staŭ virusnym — jak uzor prapahandy jaho całkam ci frahmientami pierapościli bujnyja internet-supołki nie tolki Biełarusi, ale i susiednich krain.
Čytajcie: Dziaržaŭnaje TB: Biełaruś — nie isteryčnaja panienka-padletak, što schavała tvar pad maskaj
«Naša Niva» spytała ŭ namieśnika hienieralnaha dyrektara STB Kiryła Kazakova, jak jon ciapier, paśla internet-vybuchu, aceńvaje rabotu svaju i padnačalenych.
«Ja liču, što ŭsio, što robicca žurnalistami STB, robicca prafiesijna», — łakanična adkazaŭ Kazakoŭ.
«U vas jość rubryki ŭ haziecie z pryvatnymi mierkavańniami žurnalistaŭ? Heta toje samaje. Heta nie cykličnaja prahrama, heta situatyŭnaja prahrama. Ci budziem pašyrać vytvorčaść takich siužetaŭ? Usio budzie zaležać ad redaktarskaj pazicyi: spatrebicca — budzie, nie spatrebicca — nie budzie», — dadaŭ jon.
Treba taksama skazać, što hety siužet STB ciapier niemahčyma pahladzieć na Jutubie za miežami Biełarusi — takoje abmiežavańnie ŭ naładkach źjaviłasia paśla taho, jak da siužeta była pryciahnutaja ŭvaha. Čamu tak? Na hetaje pytańnie Kazakoŭ adkazu nie maje.
Ź mierkavańniem Azaronka ciapier mohuć znajomicca tolki hledačy ŭnutry Biełarusi.
