Teatralny krytyk Viačasłaŭ Rakicki vykarystaŭ samaizalacyju dla ŭparadkavańnia ŭłasnaha archiva.
«Nachłynuli šmatlikija ŭspaminy pra najlepšyja śpiektakli biełaruskich teatraŭ, jakija ja ŭ jakaści teatraznaŭcy i krytyka pabačyŭ ciaham apošnich saraka hadoŭ, — piša jon u siabie ŭ fejsbuku. — I mižvoli skłaŭsia moj subjektyŭny rejtynh najlepšych śpiektaklaŭ našaj krainy.
Heta maja asabistaja tryccatka samych znakavych pastanovak u dramatyčnych teatrach, — padkrečlivaje jon. — Ja ŭličvaŭ suhučnaść śpiektaklaŭ svajmu času, uzrovień ich mastackaści i prafiesijnaj daskanałaści, upłyvu na raźvićcio nacyjanalnaj kultury ŭvohule i teatralnaha pracesu ŭ pryvatnaści, aryhinalnaść režysury, najaŭnaść vydatnych akciorskich pracaŭ, a taksama mižnarodnaje pryznańnie.
Naturalna, nie mahli na hety rejtynh nie ŭpłyvać i maje asabistyja husty i navat moj ŭnutrany stan u čas, kali ja hladzieŭ hetyja sceničnyja tvory, — pryznaje Rakicki. — Adzinaje, što mianie nijak i nikoli nie cikaviła, jak nie cikavić i siońnia — heta samavyjaŭleńnie režysioraŭ, adarvanaje ad mastactva i žyćcia. Heta ichniaja pryvatnaja sprava, jaje ja pakidaju ŭ baku.
Składzieny mnoju śpis ja rekamiendavaŭ by i dla vyvučeńnia historyi biełaruskaha teatra ŭ tvorčych VNU. Zrešty, mnohija ź ich, što byli pastaŭlenyja da siaredziny 1990-ch, ja ŭklučaŭ u vučebnuju prahramu Biełaruskaj akademii mastactvaŭ, Biełaruskaha ŭniviersiteta kultury i Instytuta sučasnych viedaŭ u 1990-ja hady, kali ja tam vykładaŭ pavodle składzienych mnoju prahramaŭ.
Pačynaju z 30-ha miesca i zaviaršaju 1-m.
30. «Pinskaja šlachta» V.Dunina-Marcinkieviča. Režysior M.Pinihin. 2008 h. Teatr imia Janki Kupały.
29. «Słon» A.Kapkova. Režysior V.Simakin. 1978 h. Horadzienski abłdramteatr.
28. «Valancinaŭ dzień» I.Vyrypajeva. Režysior V.Jerańkova, 2007 h. Teatar imia Maksima Horkaha
27. «Karaleva pryhažości» M.Makdonacha. Režyser V.Kraŭčanka. 2018. Homielski haradski moładzievy teatr.
26. «Dzicia z Betlejema». Režysior M.Pinihin. 1992 h. Mienski teatr-studyja kinaakciora.
25. «Uźlot Artura Ui, jaki možna było spynić» B. Brechta. Režysior V.Mazynski. 1997 h. Respublikanski teatr biełaruskaj dramaturhii («Volnaja scena»)
24. «Paharelcy» A.Makajonka. Režysior V.Rajeŭski. 1980 h. Teatr imia Janki Kupały.
23. «Apovieść pra biazdomnych sabak» K.Sierhiejenki. Režysior M.Pinihin. 1980 h. Teatr imia Maksima Horkaha.
22. «Stryp-tyz» S.Mrožka. Režysior R.Talipaŭ. 1989 h. Teatr-studyja na płoščy Pieramohi (Miensk).
23. «Ryčard III» U.Šekśpira. Režysior V.Anisienka. 1995 h. Respublikanski teatr biełaruskaj dramaturhii («Volnaja scena»).
22. «Zaciukany apostał» A. Makajonka. Režysior B.Łucenka. 1971 h. Teatar imia Janki Kupały.
21. «Zialonaja ptuška» K.Hocy. Režysior M.Šyjko. 1972 h. Biełaruski teatr junaha hledača.
20. «Zdań» pavodle F.Alachnoviča. Režysior M.Truchan. 1995 h. Teatar «Dzie-ja?».
19. «ART» Ja.Rezy. Režysior M.Pinihin. 1998 h. Mienski Mały teatr.
18. «Hulnia z koškaj» I.Erkienia. Režyser B.Eryn. 1976 h. Teatr imia Janki Kupały
17. «Harald i Mod» K. Chihinsa i Ž. K. Karjer. Režysior M.Pinihin. 1986 h. Teatr imia Janki Kupały
16. «Hamlet» U. Šekśpira. Režysior B. Łucenka. 1990 h. Teatr-studyja kinaakciora.
15. «Trahiedyja čałavieka» I. Madača. 1979. Režysior B. Łucenka. Teatr imia Maksima Horkaha.
14. «Tutejšyja» Janki Kupały. Režysior V. Maśluk. 1982 h. Mahiloŭski abłdramteatr.
13. «Symon-muzyka» Jakuba Kołasa. Režysior V.Mazynski. 1976 h. Teatr imia Jakuba Kołasa.
12. «Trochhrašovaja opiera» B. Brechta. Režysior B. Łucenka. 1976. Teatr imia Maksima Horkaha.
11. «Radavyja» A. Dudarava. Režysior V. Rajeŭski. 1985. Teatr imia Janki Kupały.
10. «Bembi» F. Zaltana. Režysior Ju. Mironienka. 1979 h. Biełaruski teatr junaha hledača.
9. «Kamiedyja» U. Rudava. Režysiory A. Androsik, U. Rudaŭ. 1992 h. Alternatyŭny teatr, Miensk.
8. «Zvany Viciebska» U. Karatkieviča. Režysior V. Mazynski. 1974 h. Teatr imia Jakuba Kołasa.
7. «Što toj sałdat, što hety» B. Brechta. Režysior V. Rajeŭski. 1969 h. Teatr imia Janki Kupały.
6. «Tutejšyja» Janki Kupały. Režysior M. Pinihin. 1990. Teatr imia Janki Kupały.
5. «Klemiens» K. Sai. Režysior V. Maśluk. 1980 h. Teatr imia Jakuba Kołasa.
4. «Trybunał» A. Makajonka. Režysior V. Rajeŭski. 1971 h. Teatr imia Janki Kupały.
3. «Znak biady» V. Bykava. Režysior V. Maśluk. 1985 h. Teatr imia Maksima Horkaha.
2. «Makbet» U. Šekśpira. Režysior B. Łucenka. 1974 h. Teatr imia Maksima Horkaha.
1. «Raskidanaje hniazdo» Janki Kupały. Režysior B. Łucenka. 1972 h. Teatr imia Janki Kupały
