Fota Inhi Škieler
Litva padoŭžyła dziejańnie humanitarnaha kalidora, pa jakim tranzitam možna viarnucca dadomu, da 00.00 23 sakavika. Chto moža im skarystacca i ci patrebnyja dla hetaha śpiecyfičnyja dakumienty, TUT.BY rastłumačyli ŭ pasolstvie Litvy ŭ Biełarusi.
16 sakavika Litva zakryła miežy dla ŭjezdu zamiežnikaŭ. Pry hetym tyja, chto ciapier znachodzicca ŭ krainie, mohuć vyjechać ź jaje ŭ luby momant da źniaćcia abmiežavańniaŭ.
Skarystacca humanitarnym kalidoram i prajechać praź Litvu tranzitam mohuć hramadzianie lubych krain, u tym liku — Biełarusi. Hałoŭnaja ŭmova — jechać dadomu. Pry hetym dakumienty, jakija b paćviardžali fakt tranzitu, nie patrabujucca.
Kab viarnucca ŭ Biełaruś tranzitam praź Litvu, možna vykarystoŭvać luby vid transpartu: samalot, kali jon lacić z toj krainy, dzie zaraz znachodzicca biełarus, ci parom, kali jon płyvie, abo aŭtobus, kali jon jedzie, tłumačać u litoŭskaj ambasadzie.
Pierasiekčy litoŭska-biełaruskuju miažu možna pieššu. Dla hetaha da 00.00 23 sakavika adkryty try punkty propusku: Miadzininkaj — Kamienny Łoh, Rajhardas — Pryvałka i Šalčyninkaj — Bieniakoni. Prachodzić praź miažu, adznačajuć u pasolstvie, nieabchodna centralizavana. Dla hetaha treba źviarnucca ŭ pasolstva Biełarusi ŭ Litvie. Jano źbiraje danyja ab svaich hramadzianach, jakija chočuć viarnucca dadomu, i arhanizoŭvaje transpart.
Skarystacca humanitarnym kalidoram mohuć i tyja zamiežniki, jakija ciapier znachodziacca ŭ Biełarusi. Dla hetaha im nieabchodna tolki pakazać dakumienty, jakija dakazvajuć, što ich pastajannaje miesca žycharstva znachodzicca ŭ tych krainach, kudy jany iduć.
Nahadajem, što na hety momant usie krainy — susiedzi Biełarusi zakryli miežy. Litva zabaraniła ŭjezd zamiežnym hramadzianam z 0.00 16 sakavika. Ale da 23 sakavika zamiežniki mohuć pierasiakać krainu tranzitam, kab viarnucca dadomu.
