U niadzielu na Łukišskaj płoščy ŭ Vilni adbyłasia akcyja «Paŭstancki łancuh», jakuju zarhanizavała inicyjatyva «StudAlliance».Asnoŭnaj jaje metaj było vyražeńnie pratestu suprać znosu miemaryjała Kastusiu Kalinoŭskamu i paŭstancam 1863 hoda. Udzień z kvietkami dy śviečkami da pamiatnaha kryža padyšli kala 40 čałaviek, siarod jakich miascovyja biełarusy, studenty EHU, aktyvisty maładziovaj arhanizacyi «Bunt», litoŭcy, palaki. Udzielniki trymali ŭ rukach partrety Kalinoŭskaha, płakaty z zapavietam «Za Našuju i Vašuju svabodu», łunali nacyjanalnyja biełaruskija i litoŭskija ściahi. Arhanizatary źviarnulisia da prysutnych sa słovam padziaki za padtrymku, pakolki niebiaśpieka zhubić miemaryjał usio jašče isnuje. Kaža kaardynatar «StudAljansu» Kiryła Atamančyk:
‑ Ja spadziajusia, što takoj akcyjaj my źvierniem uvahu na prablemu, i heta dapamoža zachavać kryž.
Mitynh zaviaršyŭsia chvilinaj maŭčańnia u pamiać zmaharoŭ za svabodu, padčas jakoj udzielniki, utvaryŭšy łancuh, trymalisia za ruki.
0
0
0
0
0
0
