Uładzimir Pucin abmierkavaŭ z pastajannymi členami Savieta biaśpieki Rasii vyniki svajoj telefonnaj razmovy z Alaksandram Łukašenkam, paviedamlaje Kreml.
«Adbyŭsia abmien dumkami [z členami Savieta biaśpieki] pra pierśpiektyvy dalejšaha raźvićcia rasijska-biełaruskich adnosin», — adznačajecca ŭ paviedamleńni.
Na naradzie prysutničali premjer-ministr Michaił Mišuścin, namieśnik staršyni Savieta biaśpieki Dźmitryj Miadźviedzieŭ, kiraŭnik administracyi Kramla Anton Vajno, sakratar Savieta biaśpieki Mikałaj Patrušaŭ, kiraŭnik MUS Uładzimir Kałakolcaŭ, ministr abarony Siarhiej Šajhu, kiraŭnik Słužby źniešniaj raźviedki Siarhiej Naryškin, dyrektar FSB Alaksandr Bortnikaŭ i śpiecpradstaŭnik prezidenta pa pytańniach pryrodaachoŭnaj dziejnaści, ekałohii i transpartu Siarhiej Ivanoŭ.
Raniej u piatnicu 21 lutaha Uładzimir Pucin i Alaksandr Łukašenka abmierkavali aśpiekty pastavak rasijskaj nafty ŭ Biełaruś.
Łukašenka zajaviŭ, što rasijski lidar prapanavaŭ kampiensavać straty z-za padatkovaha manieŭru i vypłacić Biełarusi da $300 miljonaŭ, u tym liku za košt premij kampanijam.
