«Jon mianie razdražniaŭ — na čyrvonym fonie biełyja litary». Kiraŭnik «Narodnaj haziety» raskazaŭ, jak źmianiŭ łahatyp 12

Dźmitryj Krat. Skryn videa BelarusOneTV / YouTube

U prahramie «Skažyniemaŭčy» hałoŭny redaktar dziaržaŭnaj «Narodnaj haziety» (uvachodzić u chołdynh «SB. Biełaruś siehodnia») Dźmitryj Krat pachvaliŭsia tym, jak źmianiŭ voblik haziety. Źmieny zakranuli ŭ tym liku i łahatyp.

«U svoj čas łahatyp mianie trochi razdražniaŭ — na čyrvonym fonie biełymi litarami «Narodnaja hazieta». Moža, u mianie heta prafiesijnaja defarmacyja, tym nie mienš chaciełasia niečaha, što b adlustroŭvała našy palityčnyja realii, našu simvoliku».

U vyniku, adznačaje Krat, pieršyja dźvie litary zrabili ŭ styli dziaržaŭnaha ściaha, a taksama źmianili šryfty.

Na pytańnie, ci pryviała źmiena dyzajnu da pavieličeńnia kolkaści čytačoŭ, hałoŭny redaktar abciakalna adkazaŭ, što «aŭdytoryja stabilnaja», z vydańniem zastajucca tyja, chto šmat hadoŭ jaho čytaje.

U śniežni 2020 hoda hazieta źmianiła deviz «Žyvie Biełaruś!» na «Žyvi i kvitniej, Biełaruś!».

Čytajcie taksama:

«Narodnaja hazieta» źmianiła deviz «Žyvie Biełaruś!» na inšy FOTAFAKT

Urad vyznačyŭsia ź dziaržaŭnymi miedyja, jakim budzie akazana padtrymka ź biudžetu

1

20

12

0

0

8

Nashaniva.com