Žycharka Armienii skrała 40 tysiač dalaraŭ u susiedki ŭ samalocie i schavała ich u abutku, paviedamlaje lenta.ru
Incydent adbyŭsia na borcie avijałajniera, jaki ruchaŭsia z Łos-Andželesa ŭ Maskvu. Paśla pasadki adna z pasažyrak źviarnułasia ŭ dziažurnuju častku MUS u Šaramiećcievie z prośbaj znajści jaje pajasnuju sumku, jakuju jana zabyłasia ŭ samalocie. Adnak, kali supracoŭniki palicyi zajšli ŭ sałon łajniera, aksesuara ŭžo nie było na miescy.
Tady bortpravadniki paviedamili, što sumku mahła skraści para spadarožnikaŭ, pakolki jany jašče doŭha zastavałasia ŭ kresłach, kali žančyna pakinuła samalot. Palicejskija chutka vyjavili danyja padazravanych i zatrymali ich. Adnu złačyncu vydała dziŭnaja pachodka.
«Žančyna ź ciažkaściu pierasoŭvałasia, spasyłajučysia na stan zdaroŭja, ale, jak vyśvietliłasia, narmalna iści joj pieraškadžali schavanyja ŭ krasoŭkach pački hrašovych kupiur. Druhaja častka hrašovych srodkaŭ była kanfiskavana z unutranaj kišeni kurtki jaje muža», — skazali ŭ milicyi.
U vyniku ŭ dačynieńni da zatrymanych była ŭzbudžana kryminalnaja sprava.
