U Nacyjanalnym aeraporcie Minsk naroŭni z papiarovymi stali dziejničać elektronnyja pasadačnyja tałony.
Elektronny dakumient źmiaščaje tuju ž infarmacyju, što i papiarovy, — asabistyja danyja pasažyra, nazvu avijakampanii i dvuchznačny kod pieravozčyka, numar rejsa, nazvy aeraportaŭ adpraŭleńnia i pryznačeńnia, datu i čas palotu, a taksama inšyja važnyja danyja.
Elektronny tałon možna atrymać paśla samastojnaj anłajn-rehistracyi na sajcie avijakampanii, kali jana maje takuju pasłuhu, abo praz prahramu. Tałon dastupny dla zapampoŭki i moža być adpraŭleny pa elektronnaj pošcie.
Kab prajści pieradpalotny dahlad, nieabchodna pradjavić supracoŭniku słužby avijacyjnaj biaśpieki elektronny pasadačny tałon, i śpiecyjalist zrobić adpaviednuju adznaku ŭ bazie danych pa anałohii sa zvykłym štampam u papiarovym dakumiencie. Kali smartfon abo płanšet, na ekranie jakoha možna ŭbačyć elektronnuju viersiju pasadačnaha tałona, vyklučycca abo razradzicca, pasažyru pryjdziecca razdrukavać zvyčajny pasadačny tałon na stojcy rehistracyi.
