Biełarusam davodzicca daŭžej čakać mižnarodnyja pasyłki, tamu što pošta apracoŭvaje vialiki abjom adpraŭleńniaŭ z Kitaja i Sinhapura, jakija sabralisia ŭ tranzitnym aeraporcie Stambuła, paviedamili BiełTA ŭ pres-słužbie RUP «Biełpošta».
«U studzieni ŭ Biełaruś stała pastupać u vialikich abjomach pošta z Kitaja i Sinhapura, nazapašanaja ź listapada 2019-ha ŭ tranzitnym aeraporcie Stambuła (Turcyja). Heta pryviało da taho, što abjom pošty pavialičyŭsia bolš čym u 2,3 raza, heta stvaryła dadatkovuju niezapłanavanuju nahruzku va ŭstanovach mižnarodnaha paštovaha abmienu Minska», — rastłumačyli ŭ pres-słužbie.
«Biełpošta» prymaje ŭsie zachady, kab skaracić terminy apracoŭki pasyłak, i prosić z razumieńniem pastavicca da situacyi, dadali ŭ pres-słužbie.
