U Ministerstvie justycyi raspaviali pra samyja redkija imiony, jakija davali baćki dzieciam pry rehistracyi naradžeńnia ŭ 2019 hodzie, piša BiełTA.
Fota: Nadzieja Bužan.
U 2019-m stali čaściej nazyvać dziaciej redkimi imionami. Tolki ŭ Minsku imiony 180 chłopčykaŭ i 251 dziaŭčynki ŭ zapisach aktaŭ ab naradžeńni pa vynikach hoda nie paŭtarajucca. U stalicy na śviet źjavilisia Asol, Vieniera, Dženifier, Lela, Rahnieda, a taksama Fadziej, Oskar, Dabramir, Iŭ i Vitaŭt. Usiaho za minuły hod u stalicy zarehistravana bolš za 19 tysiač novanarodžanych.
Redkija imiony byli i ŭ rehijonach. Dziaŭčynak, naprykład, nazyvali Miersiedes, Hiermanika, Ajsiel, Viesialina, Złatasłavija, Miłedzi, Dabramiła, Elza, Ajan, Jasna, Łuna, Leja, Virsavija, Łazaryna, Lubava, Jaśmina, Symona, Siena, Fiokła, Elis, Junona, Jadviha. Siarod redkich mužčynskich imionaŭ — Hierald, Fiłat, Sałamon, Tamierłan, Franc, Mars, Kamil, Aŭtandził, Miejlis, Tadevuš, Fama, Marcin, Lavoncij. Jak adznačyli ŭ Miniuście, čaściej redkija imiony davali dziaŭčynkam. A najbolšaja kolkaść dziaciej z unikalnymi imionami — u Minsku i abłasnych centrach.
Pa vynikach hoda ŭ top-10 samych papularnych ułasnych imion uvajšli Maksim, Arciom, Michaił, Alaksandr, Maćviej, Safija, Hanna, Maryja, Ksienija, Anastasija.
