Minskuju ajcišnicu Volhu Małkinu pryciahnuć da adkaznaści za abrazu biełaruskaj movy. U dačynieńni da jaje raspačali administracyjny praces, paviedamlaje ŭ adkazie na elektronnyja zapyty namieśnik staršyni Minharvykankama Arciom Curan. Zapyty dasyłali Ihar Słučak i Hleb Sandras, piša Jeŭraradyjo.
Skandalnaja historyja adbyłasia ŭ kancy minułaha hoda. U Facebook Małkina napisała pa-rusku nastupnaje: «Ja viedaju 4 [movy], akramia moŭ prahramavańnia. Naturalna brydkuju biełmovu i nie razhladała dla vyvučeńnia. Naŭmysna. Svaju by*łamovu sami vučycie».
Ajcišnica nie vieryła, što jaje mohuć za takoje pryciahnuć da adkaznaści. Atrymlivajecca, što pamyliłasia.
U adkazach čynoŭnik piša, što minskaja milicyja vyśvietliła asobu karystalnicy Facebook i byŭ «raspačaty administracyjny praces». Artykuł 9.22 «Parušeńnie zakanadaŭstva ab movach». Za publičnuju abrazu biełaruskaj movy pahražaje štraf — ad 4 da 10 bazavych vieličyń (ad 108 da 270 rubloŭ).