Azierbajdžan hatovy pastaŭlać naftu Biełarusi, pieramovy pra heta byli, ale pakul što kankretnaha rašeńnia niama, paviedamiŭ RIA Novosti aficyjny pradstaŭnik dziaržaŭnaj naftavaj kampanii Azierbajdžana (SOCAR) Ibrahim Achmiedaŭ.
Fota: Nadziei Bužan.
Pieršy vice-premjer Biełarusi Dźmitryj Kruty raniej u aŭtorak zajaviŭ, što čakaje ŭ chutkim časie damoŭlenaściej pa imparcie ŭ krainu nafty, alternatyŭnaj rasijskaj, zaraz razhladajecca mahčymaść pastavak z šerahu krain, u tym liku z Azierbajdžana.
«Pieramovy na hety kont vialisia, u pryncypie my hatovyja, možam pastavić, jak i raniej. U nas jość, jak vy viedajecie, nafta Azeri-light. Ale ničoha kankretnaha pakul što na hety kont niama», — skazaŭ Achmiedaŭ.
0
0
0
0
0
0
