Uładzimir Čudziancoŭ.
Uładzimiru Čudziancovu pradjaŭlenyja abvinavačvańni pa častcy 1 artykułu 328 KK RB — «niezakonnyja biez mety zbytu vyrab, pierapracoŭka, nabyćcio, zachoŭvańnie, pieravozka abo pierasyłka narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ», paviedamiŭ Svabodzie advakat žurnalista Alaksandar Halijeŭ.
Taksama abvinavačvańni vystavili pa č. 1 art. 328-1 (Niezakonnaje pieramiaščeńnie narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ).
U kvatery žurnalista ŭ Minsku byli znojdzienyja 6,02 hrama marychuany. Ad dačy pakazańniaŭ Čudziancoŭ admoviŭsia, jon zastajecca pad vartaj u SIZA Bieraścia, znachodzicca za kratami ŭžo bolš za tydzień. Viny pa vystaŭlenych abvinavačvańniach Čudziancoŭ nie pryznaje, piša Tut.by.
Pavodle č.1 art. 328 KK RB mohuć pakarać abmiežavańniem abo pazbaŭleńniem voli na termin da 5 hadoŭ.
Pavodle druhoha abvinavačańnia — da 7 hadoŭ sa štrafam abo biez.
Pra zatrymańnie Uładzimira Čudziancova stała viadoma 22 listapada ad jahonych siabroŭ. Pavodle nieaficyjnaj infarmacyi, ranicaj 21 listapada Uładzimir Čudziancoŭ vyjechaŭ ź Minska ŭ Varšavu. U Bieraści jon mieŭ pierasieści na inšy ciahnik. Zatrymańnie adbyłosia ŭžo paśla adpraŭleńnia ciahnika ź Bieraścia. Padčas pamiežnaha mytnaha kantrolu ŭ rečach žurnalista znajšli pakiecik z narkatyčnym rečyvam. Čudziancova źniali ź ciahnika i dastavili ŭ milicejski pastarunak, adkul paźniej pieraviali ŭ SIZA.
U paniadziełak 25 listapada stała viadoma, što Uładzimir Čudziancoŭ zatrymany na 2 miesiacy. Aficyjnaje abvinavačańnie jamu było vystaŭlena ŭ subotu, 30 listapada.
