«Centr novych idej» padrychtavaŭ novy rejtynh biełaruskich haradoŭ za 2019 hod u piaci vymiareńniach. U rejtynh uvajšli tolki tyja biełaruskija harady, u jakich bolš za 50 tysiač čałaviek, — u śpisie akazalisia 23 nasielenyja punkty.
Aŭtary vyłučyli 20 pakazčykaŭ, ź jakich piać klučavych: demahrafičnaja ŭstojlivaść, stan ekanomiki, uzrovień žyćcia, prazrystaść kiravańnia, turystyčnaja pryvabnaść.
U rejtynh uvajšli tolki tyja harady, jakija majuć bolš za 50 tysiač čałaviek, — u ich žyvie amal dźvie traciny biełaruskaha nasielnictva i jany źjaŭlajucca značnymi palit-ekanamičnymi aktarami.
U ahulnym rejtynhu Minsk zaniaŭ pieršaje miesca z 82,2 bałami. Na druhim miescy Hrodna (73,4 bała), na trecim Brest (62,4 bała), na čaćviortym Salihorsk (56 bałaŭ), a na piatym Viciebsk (55,9 bałaŭ).
Stalicu pa jakaści žyćcia abhaniaje Hrodna, a pa demahrafičnaj ustojlivaści ŭ lidarach uvohule rajonny centr — Žłobin, Minsk pa hetym pakazčyku ažno 8-y.
