Student Biełaruskaj dziaržaŭnaj sielskahaspadarčaj akademii, kab dabracca da ŭstanovy adukacyi, skraŭ mašynu, paviedamlaje milicyja.
20 kastryčnika druhakurśnik akademii, jakaja znachodzicca ŭ Horkach, jeździŭ na aŭto pa Viciebsku razam sa svaim siabram u pošukach novych znajomstvaŭ ź dziaŭčatami. U vyniku chłopcy ni z kim nie paznajomilisia, a ich pajezdka skončyłasia na apošnim litry bienzinu.
Znajomy chłopca padvioz jaho da vakzała ŭ Oršy. Adnak tam małady čałaviek vyśvietliŭ, što dabracca z Oršy ŭ Horki da ranicy jon nie zmoža, i vyrašyŭ ździejśnić złačynstva.
Chłopiec skraŭ Volkswagen Passat i pajechaŭ na im u VNU. Dabraŭšysia da miesca pryznačeńnia, jon vyrašyŭ pakinuć aŭto ŭ adnym sa dvaroŭ. Kab źbić pravaachoŭnikaŭ sa śledu student zabraŭ z aŭtamabila mahnitołu, pakinuŭšy ŭ sałonie vypadkova znojdzienyja dźvie pustyja butelki. Ale hetaha jamu zdałosia mała, i kiemlivy chłopiec vyrašyŭ ščodra absypać siadzieńni i panel u aŭto piercam.
Adnak chłopca znajšli. Zaviali kryminalnuju spravu.
