president.gov.by
Na naradzie ŭ kiraŭnika dziaržavy pa pytańniach procidziejańnia raspaŭsiudžvańniu narkotykaŭ i prafiłaktyki narkamanii, zajšła razmova pra ruch «Maci 328», paviedamlaje pres-słužba.
«Za źmiakčeńnie pakarańnia ŭ takim pamiery, jak my pryniali rašeńnie, vystupali tak zvanyja ci to partyja, ci to hramadskaja arhanizacyja [«Maci 328»], — nahadaŭ Alaksandr Łukašenka. — U ludziej nie pavinna być sumnieńniaŭ u spraviadlivaści i abhruntavanaści prymanych sudovych rašeńniaŭ.
Pavodle jaho słoŭ, najaŭnaja sistema raboty pa supraćdziejańni raspaŭsiudžvańniu narkotykaŭ i prafiłaktycy narkamanii aktyŭna abmiarkoŭvajecca ŭ hramadstvie. Pa daručeńni kiraŭnika dziaržavy ŭ Administracyi prezidenta praviedziena niekalki sustreč z rodnymi asudžanych za narkazłačynstvy.
«Asabliva abmiarkoŭvajuć i hałosiać tak zvanyja «Maci 328». My, viadoma, ich razumiejem: heta biada ŭ siamji. Im treba paraić svoječasova zajmacca svaimi dziećmi. A potym hałasić, stahnać i pradjaŭlać pretenzii ŭładzie, — skazaŭ Alaksandr Łukašenka.
— Maci pravilna zavastrajuć uvahu na nieabchodnaści bolš efiektyŭnaj pracy z moładździu pa prafiłaktycy narkazłačynnaści i narkamanii. Prapanoŭvajuć nam bolš aktyŭna vieści prafiłaktyku, tolki zabylisia, što im samim treba było hetaj spravaj zajmacca ŭ siamji».
Tym nie mienš kiraŭnik dziaržavy ličyć patrebnym staranna vyvučyć prapanovy, jakija zychodziać u tym liku ad hetych maci. «Jany paciarpiełyja. Jany, napeŭna, adčuvajuć hetuju prablemu vastrej, čym usie inšyja», — dadaŭ jon.