U Mačuliščanski adździeł milicyi z zajavaj ab kradziažy vialikaj sumy hrošaj i kaštoŭnych vyrabaŭ źviarnulisia miascovyja žychary, paviedamlaje Źviazda.
Pa słovach zajaŭnikaŭ, byŭ skradzieny mietaličny siejf, u jakim znachodziłasia niekalki tysiač dołaraŭ ZŠA, vyraby z kaštoŭnych mietałaŭ na 25 000 rubloŭ. Bujnaja suma ŭ zamiežnaj valucie źnikła i z kašalka.
U vyniku praviedzienych vyšukovych mierapryjemstvaŭ było ŭstanoŭlena dačynieńnie da kradziažu 40-hadovaha syna haspadara kvatery. Mužčyna niekalki miesiacaŭ tamu vyzvaliŭsia ź miescaŭ pazbaŭleńnia voli, dzie adbyvaŭ pakarańnie za ŭčynieńnie kradziažu. Uvieś hety čas jon nidzie nie pracavaŭ, žyŭ u adnoj kvatery z baćkam. Toj, bajučysia za zachavanaść svajoj majomaści, abstalavaŭ dźviery pakojaŭ zamkami.
Vybraŭšy dzień, kali jaho baćka z sužycielkaj adsutničali, złamyśnik prakraŭsia ŭ adzin z pakojaŭ, skraŭ siejf, hrošy i kaštoŭnaści. Kab advieści ad siabie padazreńnie, imitavaŭ praniknieńnie ŭ žyllo praz akno.
Nieŭzabavie jaho zatrymali. Zaviedziena kryminalnaja sprava pa artykule «Kradziež». Jaho sankcyja — pazbaŭleńnie voli na termin ad troch da dvanaccaci hadoŭ sa štrafam.
