U Baranavičach śledčyja vyśviatlajuć abstaviny śmierci 50-hadovaj miascovaj žycharki, paviedamiŭ BiełTA aficyjny pradstaŭnik USK pa Bresckaj vobłaści Źmicier Ivaniuk.
U ździajśnieńni złačynstva padazrajecca 51-hadovy muž zahinułaj. Trahiedyja adbyłasia ŭviečary 26 kastryčnika. Pa dadzienych śledstva, pamiž mužam i žonkaj adbyŭsia kanflikt. Mužčyna znachodziŭsia ŭ stanie ałkaholnaha apjanieńnia. Padčas svarki jon pačaŭ źbivać žonku, nanosiačy joj rukami i nahami ŭdary pa roznych častkach cieła. Ad atrymanych cialesnych paškodžańniaŭ žančyna pamierła na miescy.
U dačynieńni da padazravanaha pačali kryminalnuju spravu pa č.1 art.139 (naŭmysnaje supraćpraŭnaje pazbaŭleńnie žyćcia inšaha čałavieka (zabojstva)) KK. Mužčyna zatrymany. Jamu pahražaje ad 6 da 15 hadoŭ pazbaŭleńnia voli.
