U vioscy Papoŭcy Vilejskaha rajona znojdzieny vysokapradukcyjny mabilny samahonny aparat na ruchomaj płatformie, paviedamlaje UUS Minskaha abłvykankama.
Infarmacyja pra toje, što žychar vioski Papoŭcy sistematyčna vyrablaje i realizuje samahon u svajoj vioscy i navakolnych nasielenych punktach pastupiła pa telefonie ŭ dziažurnuju častku UUS Minskaha abłvykankama ad ananimnaj krynicy.
Kanfiskavany samahonny kompleks. Fota — UUS Minabłvykankama
Rejdavaja hrupa, što prybyła na miesca, vyjaviła na prysiadzibnym učastku 53-hadovaha miascovaha žychara pierasoŭny samahonny aparat. Kanstrukcyja raźmiaščałasia na dastatkova kampaktnaj dvuchkołavaj płatformie z pryčapnoj pryładaj. U rasparadžeńni ŭładalnika mieŭsia traktar, a taksama aŭtamabil, jakija byli zdolnyja pieramiaščać samahonnuju vytvorčaść praktyčna ŭ luby punkt.
Samahonny mini-kompleks funkcyjanavaŭ ź leta hetaha hoda. Dla zachavańnia najbolšaj kanśpiracyi haspadar pastajanna mianiaŭ miesca samahonnaj vytvorčaści. Pry hetym pieravaha addavałasia hłuchim učastkam navakolnych lasoŭ. Ciapier haspadaru kompleksu pahražaje administracyjnaja adkaznaść za paŭtorny prodaž śpirtaźmiaščalnych rečyvaŭ.
