Niekalki tydniaŭ tamu my apublikavali paŭžartaŭlivy test «Ci mahli b vy abrazić pačućci viernikaŭ?»
Na zdymku — Džud Łou ŭ roli Papy ŭ sieryjale italjanskaha režysiora Paoła Sarencina «Małady Papa».
Test prajšli bolš za 2250 čałaviek. Nižej pryvodzim, chto što ŭbačyŭ paśla prachodžańnia testa.
50% — 881 čałaviek
Vy pavažajecie pradstaŭnikoŭ roznych relihij, a taksama ahnostykaŭ, ateistaŭ i ŭvohule ŭsich ludziej. Vy vielmi talerantny čałaviek i šyroka ŭsprymajecie navakolny śviet, z čym my vas i vinšujem.
26% — 460 čałaviek
U vašym žyćci viera zajmaje važnaje miesca. Dla vas heta nie prosta naviedvańnie carkvy ŭ vialikija śviaty i farbavańnie jajek. Relihija — častka vašaj ułasnaj fiłasofii, vašaha śvietaŭsprymańnia. Kaniečnie, vy b nikoli nie abrazili pačućci viernikaŭ.
16% — 277 čałaviek
U vas dobraje pačućcio humaru! Ale budźcie aściarožnyja, bo nie ŭsie mohuć jaho zrazumieć. Tamu časam lepš trymać jazyk za zubami, bo mała ci što…
8% — 132 čałavieki
Pakryŭdžanyja vierniki na vas užo dakładna nakatali nie adnu zajavu ŭ milicyju. Tamu rychtujciesia. Zakuplajciesia sucharami, tualetnaj papieraj, ciopłymi škarpetkami. Śpis rečaŭ, jakija možna pieradavać u turmu, my jakraz nie tak daŭno drukavali. Ale jość u hetym i pryjemny bonus: navina pra vas abaviazkova źjavicca na hałoŭnaj staroncy «Našaj Nivy» ŭ rubrycy «Kryminał».
