Na kraŭdfandynhavaj płatformie Indiegogo litoŭskaja kampanija Ishuu Technologies raspačała zbor srodkaŭ na smart-tufli Volvorii Timeless, raspaviadaje CNET.
U tufli ŭstaŭlenyja E-Ink-dyspłei (elektronnaja papiera), jakija mohuć nie tolki mianiać koler, ale i nabyvać uzor.
Malunak ustaŭki možna mianiać z dapamohaj prahramy dla Android i iOS. Miarkujučy pa videa, tufli majuć čorna-biełyja ekrany, ale tearetyčna mohuć źjavicca i madeli z kalarovymi E-Ink-ekranami.
Dla stvareńnia pieršaj partyi takich tuflaŭ litoŭcam treba sabrać 50 tysiač dalaraŭ (na momant publikacyi nabrana 3,7 tysiačy). Samyja pieršyja zamovy tuflaŭ abychodzilisia ŭ 149 i 199 dalaraŭ, ciapier minimalnaja cana składaje 249 dalaraŭ.
Pa zaviaršeńni zboru srodkaŭ kampanija płanuje prapanavać pakupnikam čornuju i biełuju madeli, zroblenyja sa skury i humy. Na vierchniaj častcy tufli buduć mieć admysłovyja macavańni dla aksiesuaraŭ. Mahčymyja pamiery — ad 36 da 40. Vypusk u prodaž zapłanavany na śniežań 2015 hoda.
Hladzicie taksama: E-Ink pradstaviła «žyvyja špalery»