Prykład hulni «Sunset Overdrive» pakazvaje nakolki istotnaja moža być vopratka ŭ videahulniach.
Na prystaŭcy Xbox One vychodzić hulnia «Sunset Overdrive». Heta postapakaliptyčny bajavik z adkrytym śvietam. Dziejańnie hulni razhortvajecca ŭ vydumanym horadzie, jakim kiruje karparacyja FizzCo. U honar vychadu novaha enierhietyčnaha napoju kampanija pravodzić viečarynu, na jakoj vyśviatlajecca, što «enierhietyk» pieratvaraje ludziej u monstraŭ.
Vy hulajecie za vyžyłaha prybiralščyka abo prybiralščycu kampanii FizzCo — poł, jak i źniešnaść, ciełaskład i vopratku piersanaža, možna vybrać samastojna.
Prykład hetaj hulni pakazvaje nakolki istotnaja moža być vopratka ŭ videahulniach.
«Mnie, jak i našamu tvorčamu dyrektaru, vielmi cikavy śviet mody, tamu padčas raspracoŭki «Sunset Overdrive» my nadavali modzie šmat uvahi. My vyrašyli, što praz vopratku možna pakazać śmieły ton našaj hulni, tamu što hałoŭny hieroj zaŭsiody znachodzicca na ekranie.
Čym dalej, tym bolšuju rolu ŭ hulni značyła moda: padčas testavańnia my pierakanalisia, što hulcam pryjšła daspadoby raznastajnaja vopratka», — raspaviała art-dyrektar «Sunset Overdrive» Džiejsinda Ču internet-sajtu Look At Me.
Heta, kaniešnie, nie pieršaja videahulnia, jakaja pačała zaŭvažać i stavić modu nie na apošni płan. Chutčej, heta navat tendencyja ŭ virtualnym śviecie.
