У Барысаве ноччу 4 красавіка ў міліцыю патэлефанаваў невядомы і паведаміў, што будынак гарадскога Дома культуры замініраваны.
Як паведамілі ў аддзяленні інфармацыі і грамадскіх сувязей УУС Мінскага аблвыканкама, сапёры і супрацоўнікі органаў унутраных спраў, якія прыбылі на месца, эвакуявалі з размешчаных у будынку начнога клуба і кафэ прыкладна 500 наведнікаў.
Падчас агляду памяшканняў ніякіх выбухованебяспечных прадметаў знойдзена не было. Распачата справа на падставе ч. 1 арт. 340 Крымінальнага кодэкса (заведама падманнае паведамленне аб небяспецы). «Тэлефонны тэрарыст» адшукваецца.
0
0
0
0
0
0
