Рыгор Азаронак (злева) — скрыншот з відэа СТБ. Эльвіра Мірсалімава — фота з сацыяльных сетак
Прапагандыст Рыгор Азаронак зноў накінуўся на прарасейскую актывістку Эльвіру Мірсалімаву. Чым, мяркуючы па ўсім, справакаваў новы канфлікт сярод тэарэтычна аднадумцаў.
Усё пачалося з таго, што Мірсалімава пракаментавала ананімную прапанову закрыць яшчэ адзін прарасейскі канал. Яно прагучала пасля навіны пра закрыццё канала «Заходнеруская Атлантыда». Мірсалімава ў адказ прапанавала «ўсё закрыць, усіх забараніць, пакінуць толькі Азаронка, Дзерманта, Шпакоўскага і Пятроўскага».
Вядучы СТБ не змог прайсці міма такога паста. Ён адрэагаваў багатым на абразы паведамленнем, у якім у грубай форме прапанаваў Мірсалімавай заткнуць зяпу.
«Калі можна бачыць цябе на Данбасе? Нават (прасці госпадзе) Філя там быў, а самая «прарасейская» ні капейкі не дала нават», — задаўся пытаннем Азаронак, назваўшы актывістку «Мірсвінасабакавай».
Ён прапанаваў Мірсалімавай «заткнуць сарцірную зяпу і не вякаць на Лукашэнку, дзякуючы якому яна жыве ў мірным горадзе». А таксама спытаў, калі Эльвіру чакаць у Польшчы, намякнуўшы на ад'езд яе сястры. Азаронак забараніў Мірсалімавай «пэцкаць імя Расеі» і назваўшы актывістку «распуснай свіннёй» і разнастайнымі нецэнзурнымі выразамі.
У заключэнне прапагандыст перайшоў да пагрозы: «Калі не пазаткняце подлыя празаходнія зяпы — самі вінаватыя».
Мірсалімава апублікавала скрыншот паведамлення і паста Азаронка з подпісам: «узровень местачковай журналістыкі».
Праз некаторы час за сяброўку заступілася вядомая прарасійскімі поглядамі мастачка Святлана Жыгімонт. Спачатку яна спытала, ці не з'явілася ў Азаронка галавакружэнне ад поспехаў. А затым паразважала аб прыродзе журналісцкага стылю работніка СТБ.
«Адзін разумны чалавек сказаў мне толькі што, што вось такімі брыдкімі выразамі і ўчынкамі Азаронак сублімуе сваю горыч ад таго, што таксама бачыць усю нашу сітуацыю, як яна ёсць. Я з ім згодна. Так, менавіта сублімуе сваю горыч.
Рыгор, з гэтай сітуацыі ёсць выйсце. Яно цяжкае і балючае ды не суліць ніякіх бонусаў, але затое можна застацца чалавекам», — напісала Жыгімонт.
Напярэдадні Мірсалімава заявіла, што выдаліла свае профілі ў фэйсбуку пасля даносаў з боку ябацек і тэлефанавання з міліцыі. Актывістку раней двойчы судзілі па адміністрацыйных артыкулах, якія выкарыстоўваюцца ў Беларусі для барацьбы з палітычнымі апанентамі. Са слоў Мірсалімавай, за апошні час сілавікі зацікавіліся яшчэ некалькімі прарасійскімі актывістамі.
Азаронак пры гэтым не ўважае Мірсалімаву за прарасійскую: на яго думку, за ёй стаіць рука Захаду ў «гібрыднай вайне супраць Беларусі».
Чытайце таксама:
Вялікае інтэрв’ю з Крысцінай Мірсалімавай — сястрой прарасійскай актывісткі-сталіністкі
«Тутэйшы парніковы народзец наіўны». Закрыўся канал прарасійскага палітолага
«Давайце яшчэ гуляць у цэлак». Бондарава назвала Прыдыбайлу заднепрывадным лабістам палавых дэвіяцый
