Фільм «Апенгеймер» рэжысёра Крыстафер Нолана атрымаў прэмію «Залаты глобус» у катэгорыі «Найлепшы драматычны фільм». Карціну таксама адзначылі за найлепшую рэжысуру і выкананне галоўнай мужчынскай ролі (Кіліян Мёрфі).
Перамогу ў катэгорыі «Найлепшы фільм, мюзікл або камедыя» атрымала стужка «Бедныя-няшчасныя» Ёргаса Ланцімаса.
Прыз за найлепшую мужчынскую ролю ў мюзікле або камедыі атрымаў Пол Джамаці («Пакінутыя»), найлепшай драматычнай актрысай прызналі Лілі Гладстон («Забойцы кветкавага месяца»).
У намінацыі «Найлепшы фільм на замежнай мове» перамог дэтэктыўны фільм «Анатомія падзення» (Францыя).
Найлепшымі серыяламі прызналі «Спадкаемцаў» (у намінацыі драма) і «Мядзведзя» (мюзікл ці камедыя). «Хлопчык і птушка» Хаяа Міядзакі атрымаў «Залаты глобус» як найлепшы анімацыйны фільм, піша РБК.
Чытайце таксама:
«Апенгеймер»: кінапалатно, сатканае з мноства дэталяў, пра зло, якое расце пакрысе
Круз, Вонка і дзіця Беларусі: топ-10 фільмаў года
«Небаракі» Ёргаса Ланцімаса атрымалі «Залатога льва» на Венецыянскім кінафестывалі