Coca-Cola вычэрпвае запасы ў Расіі. Замест яе расіяне запускаюць Funky Monkey
Coca-Cola HBC AG (CH.L) і яе цяперашнія кліенты ў Расіі знаходзяцца «ў працэсе вычарпання запасаў». Пасля таго, як яны будуць вычарпаныя, Coca-Cola HBC «больш не будзе вырабляць або прадаваць Coca-Cola або іншыя брэнды кампаніі Coca-Cola ў Расіі», — гаворыцца ў заяве кампаніі. Пра гэта піша Reuters.
Але расіяне не бядуюць і замест гэтага збіраюцца прасоўваць свае брэнды. Замест традыцыйных Соса Соla і Fanta яны збіраюцца запусціць Funky Monkey Cola і Orange.
Выданне «Фантанка» паведаміла, што сёння адбылася іх прэзентацыя ў Санкт-Пецярбургу.