Камісія па найменні і перайменаванні праспектаў, вуліц, плошчаў і іншых складовых частак Мінска прапануе назвы для некалькіх аб'ектаў сталіцы. Мінчане могуць выказаць свае меркаванні на працягу двух тыдняў, паведамляюць «Мінск-Навіны».
Так, безназоўны праезд ад Даўгінаўскага тракта да Рэспубліканскага навукова-практычнага цэнтра пульманалогіі і фтызіятрыі (Далгінаўскі тракт, 157) можа насіць назву «Вуліца Лепельская».
Назву «Сквер Пагулянка» прапануецца прысвоіць скверу ў межах вул. Матусевіча і Ляшчынскага (па назве хутара і вёскі, якія існавалі на гэтым месцы ў першай палове XX ст.).
Сквер на вул. Якубоўскага можа насіць аднайменную назву ў гонар І. І. Якубоўскага, чый помнік-бюст там усталяваны.
Паркавую зону ў межах вул. К. Цэткін, Іерусалімскай, Гебелева, Калектарнай прапануецца назваць «Яўрэйскім мемарыяльным паркам» - на гэтай тэрыторыі ў канцы XIX-XX стст. размяшчаліся яўрэйскія могілкі.
