Kamisija pa najmieńni i pierajmienavańni praśpiektaŭ, vulic, płoščaŭ i inšych składovych častak Minska prapanuje nazvy dla niekalkich abjektaŭ stalicy. Minčanie mohuć vykazać svaje mierkavańni na praciahu dvuch tydniaŭ, paviedamlajuć «Minsk-Naviny».
Tak, bieznazoŭny prajezd ad Daŭhinaŭskaha trakta da Respublikanskaha navukova-praktyčnaha centra pulmanałohii i ftyzijatryi (Dałhinaŭski trakt, 157) moža nasić nazvu «Vulica Lepielskaja».
Nazvu «Skvier Pahulanka» prapanujecca prysvoić skvieru ŭ miežach vuł. Matusieviča i Laščynskaha (pa naźvie chutara i vioski, jakija isnavali na hetym miescy ŭ pieršaj pałovie XX st.).
Skvier na vuł. Jakuboŭskaha moža nasić adnajmiennuju nazvu ŭ honar I. I. Jakuboŭskaha, čyj pomnik-biust tam ustalavany.
Parkavuju zonu ŭ miežach vuł. K. Cetkin, Ijerusalimskaj, Hiebieleva, Kalektarnaj prapanujecca nazvać «Jaŭrejskim miemaryjalnym parkam» - na hetaj terytoryi ŭ kancy XIX-XX stst. raźmiaščalisia jaŭrejskija mohiłki.