Здарэнне адбылося ўвечары 25 чэрвеня, піша mlyn.by
«28-гадовы мясцовы жыхар на «Фордзе Арыён» здзейсніў наезд на 40-гадовую мясцовую жыхарку з двухгадовай дачкой у дзіцячым вазку, яны рухаліся ў спадарожным напрамку. Дзіця атрымала цялесныя пашкоджанні і было шпіталізавана. Мама не пацярпела», — распавёў афіцыйны прадстаўнік УДАІ УУС Мінскага аблвыканкама Сяргей Чабатароў.
Кіроўца з месца аварыі ўцёк і быў затрыманы ў сябе дома. На момант ДТЗ мужчына быў у нецвярозым стане і не меў пасведчання кіроўцы (ніколі не атрымліваў). Таксама ён не быў прышпілены рамянём бяспекі.
0
0
0
0
0
0