«Naša Niva» i Bukmiekierskaja kantora Leon pilna sočać za vyšejšaj lihaj.
Ciapier bolš padrabiazna pra baraćbu na roznych polusach tablicy. U minułym tury «Šachcior» vielmi niečakana sastupiŭ u Mazyry i dazvoliŭ na try bały adarvacca BATE, u jakim, darečy, źmianiŭsia trenier. Kiryłu Alšeŭskamu nie daravali vylet ź jeŭrakubkaŭ, i ciapier kamandaj budzie kiravać Alaksandr Lisoŭski.
Dla barysaŭcaŭ tytuł čempijona — adzin ź niešmatlikich šancaŭ zachavać kłub na isnujučym uzroŭni. Z nastupnaha siezona źjaŭlajecca novy jeŭrakubak — Liha kanfierencyj, u jakim buduć hulać usie biełaruskija pradstaŭniki, akramia čempijona. Adpaviedna, treci pa statusie jeŭrakubak naŭrad ci praduhledžvaje vialikija pryzavyja, tamu BATE treba prykładać maksimum namahańniaŭ dla vyjhryšu čempijanatu.
Niahledziačy na kanfuz u Mazyry, «Šachcior» nie źbirajecca zdavacca. Raman Hryharčuk uzmacniaje atakujučuju liniju: uziaty ŭ arendu Dyjeha Santas z «Viciebska», a taksama mahčymaje padpisańnie eks-forvarda «Astany» Žunijora Kabananhi.
Što tyčyć nižejšaj častki tablicy, to tut «Biełšyna» amal vybrałasia z zony vyletu. Šancy na vyratavańnie ŭ babrujcaŭ vyhladajuć lepšymi za kankurentaŭ, niahledziačy na składany kalandar napieradzie: «Biełšynu» jašče čakajuć matčy z «Šachcioram», BATE i minskim «Dynama».
«Słuck» i «Haradzieju» napieradzie jašče čakaje asabistaja sustreča, u jakoj, chutčej za ŭsio, vyznačycca druhi niaŭdačnik lihi. Ź pieršym usio, na žal, zrazumieła: «Smalavičy» ŭžo naŭrad ci vyratujucca, chacia napieradzie im jašče hulać z abiedźviuma «cukrovymi» kłubami.
Voś vyniki matčaŭ 24 tura:
- «Smalavičy» — «Ruch» 0:6 (8, Sadoŭski; 13, Rachmanaŭ; 54, 75 (p), U. Vasiljeŭ; 86, A. Ancileŭski; 89, Šaŭčenka)
- «Nioman» — «Minsk» 2:0 (22, Marušyč; 38, Kadzimian)
- «Viciebsk» — «Biełšyna» 1:1 (53, Vandersan — 64, Salimaŭ)
- «Dynama-Brest» — «Enierhietyk-BDU» 2:1 (6, 53; Savicki — 16, Haŭryłaŭ)
- «Haradzieja» — «Tarpieda-BiełAZ» 1:3 (76, Ihnacienka — 10, Haboŭda; 36, 86, Pramudraŭ)
- «Isłač» — «Dynama-Minsk» 2:1 (3, Januš; 85, Jansane — 62, Dzinha)
- «Słuck» — BATE 1:3 (24, Siamionaŭ — 39, 73, Skavyš; 43, Filipienka)
- «Słavija» — «Šachcior» 1:0 (81, Tłupaŭ)
- 23 vieraśnia prajšła pieraniesienaja hulnia «Smalavičy» — «Minsk» 0:4 (22, Hryboŭski; 49, Anufryjeŭ; 82, Jarocki; 90, Piańčuk)
TURNIRNAJA TABLICA
Jakija matčy nas čakajuć u nastupnym tury?
«Enierhietyk-BDU» — «Isłač»
- 26.09, 14:00. Maładziečna, centralny stadyjon.
- Kaeficyjenty: «Enierhietyk» (pieramoha) — 3.75; ničyja — 3.85; «Isłač» (pieramoha) — 2.02.
Niahledziačy na vielmi składanuju finansavuju situacyju, «vaŭki» štampujuć pieramohi — u minułym tury kamanda asiliła minskaje «Dynama».
Kłub ź minskaha rajona anansavaŭ, što matč u Maładziečnie stanie raźvitalnym dla Mamo Jansane. Kudy pierachodzić hviniejec, nie paviedamlajecca, ale, mahčyma, tranśfier dazvolić palepšyć finansavaje stanovišča «Isłačy».
Moma Jansane. Fota Anatola Redzina.
Prahnoz «NN»: totał, bolšy za 2.5.
«Haradzieja» — «Słavija»
- 26.09, 16:00. Stadyjon «Haradzieja».
- Kaeficyjenty: «Haradzieja» (pieramoha) — 3.03; ničyja — 3.65; «Słavija» (pieramoha) — 2.40.
Niečakana «Haradzieja» ździejśniła davoli hučny tranśfier, padpisaŭšy byłoha bramnika zbornaj Siarhieja Černika. Mahčyma, jahony dośvied zmoža dapamahčy kamandzie ŭratavacca.
Fota: FK «Haradzieja».
Pieramoha nad «Šachcioram» dazvoliła mazyrskaj kamandzie adarvacca ad dna tablicy na davoli kamfortnuju dystancyju, jakaja amal vyklučaje mahčymaść vyletu ŭ hetym siezonie. Kančatkova źniać pytańni moža hulnia ŭ subotu.
Prahnoz «NN»: totał, mienšy za 2.5.
«Tarpieda-BiełAZ» — «Nioman»
- 26.09, 18:00. Žodzina, stadyjon «Tarpieda»
- Kaeficyjenty: «Tarpieda» (pieramoha) — 2.91; ničyja — 3.65; «Nioman» (pieramoha) — 2.49.
U subotu amataraŭ biełaruskaha futboła čakajuć adrazu dźvie top-zaruby — apierytyvam pierad bitvaj hihantaŭ u Barysavie budzie matč u Žodzinie, dzie sustrenucca treciaja i čaćviortaja kamandy lihi na siońnia.
«Tarpieda», jakoje nie prajhraje voś užo siem turaŭ zapar, maje dobruju mahčymaść skinuć z pjedestała haradziencaŭ, u jakich jašče niadaŭna była karotkaja čornaja pałasa.
Pradkazać pieramožcu nierealna, tamu prosta budziem čakać vohniennaj hulni.
Prahnoz «NN»: «Tarpieda» nie sastupić.
BATE — «Dynama-Brest»
- 26.09, 20:00. «Barysaŭ-Arena»
- Kaeficyjenty: BATE (pieramoha) — 1.78; ničyja — 4.10; «Dynama» (pieramoha) — 4.65.
My šmat vyšej napisali pra stanovišča BATE, ale bieraściejcam taksama nie pazajzdrościš: pierad vyrašalnym matčam u jeŭrakubkach z «Łudahorcam» im treba hulać u haściach ź lidaram tablicy.
Nieviadoma, u jakoj formie buduć hulcy paśla matču ŭ Barysavie, ale jon moža dobraj repietycyjaj pierad hulnioj u Lizie Jeŭropy.
Prahnoz «NN»: pieramoha BATE.
«Biełšyna» — «Šachcior»
- 25 vieraśnia stała viadoma, što matč pieraniesieny.
U minułym tury my sprahnazavali ŭpeŭnienuju pieramohu «Šachciora» ŭ Mazyry, ale mocna pamylilisia. Tamu ciapier treba być vielmi aściarožnym.
Na hety raz salihorcy jeduć u hości da «Biełšyny», jakoj turnirnyja bały patrebnyja nie mienš, čym kamandzie haściej. Tamu nie vyklučana, što hulnia akažacca bahataj na zabityja miačy.
«Dynama-Minsk» — «Viciebsk»
- 27.09, 17:00. Minsk, stadyjon «Dynama»
- Kaeficyjenty: «Dynama» (pieramoha) — 1.75; ničyja — 3.95; «Viciebsk» (pieramoha) — 5.10.
Adrazu varta adznačyć, što hulnia projdzie biez hledačoŭ. Niadziela, viečar, centr Minska — vy ŭsio sami razumiejecie.
Z ulikam jeŭrakubkaŭ i kubkavaj hulni minskaje «Dynama» prajhrała 5 z apošnich 6 matčaŭ. Leanid Kučuk nibyta prasiŭsia ŭ adstaŭku, ale jaje nie pryniali — kiraŭnictva kłuba ŭsio jašče daviaraje trenieru.
U «Viciebska» pieryjad taksama nie zajzdrosny — piać turaŭ bieź pieramoh u čempijanacie plus straty lidaraŭ kamandy.
Prahnoz «NN»: ničyja.
«Ruch» — «Słuck»
- 27.09, 19:00. DASK «Brescki»
- Kaeficyjenty: «Ruch» (pieramoha) — 1.64; ničyja — 4.20; «Słuck» (pieramoha) — 5.75.
Brescki kłub lohka razabraŭsia sa «Smalavičami» i ciapier čakaje ŭ hości «Słuck», jaki praciahvaje ŭzmacniacca rasijanami ź minornych lih.
«Ruch» niečakana dla ŭsich pad kaniec turnira idzie šostym, ale ŭ siaredzinie tablicy vysokaja ščylnaść, tamu lubyja straty chutka mohuć adbicca na miescy. Tamu prajhravać aŭtsajdaram dakładna nie varta, kali jość ambicyi.
Prahnoz «NN»: pieramoha «Rucha».
«Minsk» — «Smalavičy»
- 28.09, 16:00. Minsk, stadyjon «Traktar»
- Kaeficyjenty: «Minsk» (pieramoha) — 1.39; ničyja — 5.85; «Smalavičy» (pieramoha) — 7.80.
Druhaja za tydzień sustreča dźviuch «haradskich» kamand. U «Minska» dźvie zadačy — nie dapuścić niedaacenki supiernika paśla lohkaj pieramohi i paŭtaryć doma vynik haściavoj hulni.
Fota: FK «Minsk».
Pieramoha moža dazvolić minčukam uskočyć u pieršuju dziasiatku. Što niabłaha, uličvajučy niadaŭni status aŭtsajdaraŭ.
Prahnoz «NN»: pieramoha «Minska».
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!