U Biełarusi razhladajuć pytańnie ab tym, kab pašyryć vykładańnie asnoŭ pravasłaŭnaj kultury ŭ škołach z nastupnaha navučalnaha hoda, piša Interfaks.
«Razhladajecca pytańnie ab pašyreńni vykładańnia fakultatyva pa asnovach pravasłaŭnaj kultury ŭ nastupnym navučalnym hodzie. Ale ŭžo siońnia treba zakłapacicca pytańniem pošuku i padrychtoŭki piedahohaŭ, zdolnych vieści vykładańnie fakultatyva na vysokim źmiastoŭnym i mietadyčnym uzroŭni, pryciahnieńnia da vykładańnia fakultatyva śviataroŭ», — zajaviŭ kiraŭnik Biełaruskaj pravasłaŭnaj carkvy biskup Vienijamin na anłajn-naradzie dla kiraŭnikoŭ jeparchijalnych adździełaŭ relihijnaj adukacyi i katechizacyi.
Kiraŭnik BPC nahadaŭ, što ŭžo zaćvierdžanyja i pracujuć navučalnyja prahramy pa fakultatyvie dla pieršych-čaćviortych i piatych-dziaviatych kłasaŭ ahulnaadukacyjnaj škoły. «Zaviaršajecca praca pa śćviardžeńni prahramy dla 10-11 kłasaŭ», — skazaŭ jon.