Tomaš Šmit na pres-kanfierencyi ŭ Minsku, 6 maja
Žurnalisty money.pl pahladzieli dekłaracyju Tomaša Šmita za 2022 hod — dekłaracyja za 2023 hod budzie apublikavana tolki ŭ druhoj pałovie hetaha hoda.
Z dekłaracyi Šmita vynikaje, što jaho zarobak — bolš za 22,5 tysiačy złotych štomiesiac (kala 5,5 tysiač dalaraŭ). Jon nie vałodaje nijakaj nieruchomaściu abo ruchomaj majomaściu, akramia Skoda Fabia, 2015 hoda.
Zatoje ŭ Šmita vializarnyja daŭhi — pazyki i kredyty na sumu 584 tysiač złotych — kala 145 tysiač dalaraŭ.
Sudździa Tomaš Šmit daŭ 6 maja pres-kanfierencyju ŭ Minsku. Jon zajaviŭ, što padpisaŭ zajavu ab adstaŭcy «z pryčyny niazhody z palitykaj i dziejańniami ŭładaŭ» i paprasiŭ abarony ŭ Biełarusi.
Vajavodski administracyjny sud Varšavy ŭčora apublikavaŭ zajavu, što Šmit znachodzicca ŭ adpačynku z 22 krasavika pa 10 maja, a staršynia suda pakul nie atrymlivaŭ ad jaho infarmacyi pra adstaŭku.
Śpiecsłužby Polščy pačali praviarać, kolki sakretnaj infarmacyi moh vyvieźci sudździa Šmit.
Čytajcie taksama:
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Polski sudździa paprasiŭ abarony ŭ biełaruskich uładaŭ
«Zdradnik i padluha». Daradca prezidenta Polščy — pra sudździu Šmita, jaki źbieh u Biełaruś