Скрыншот відэа на ютуб-канале «Женщины тяжёлого поведения»
Белсат
Калі раптам вы яшчэ не паспелі паглядзець серыял «Працэсы», то 31 снежня — добры дзень для таго, каб пад абсурдысцкую трагікамедыю Андрэя Кашперскага і Міхася Зуя падвесці свае вынікі года. Першы эпізод пакажуць у 16:55.
У 22:20 пачнецца «Жэстачайшы мульт» — гэта цыкл анімацыйных пародый на вядомыя савецкія і постсавецкія тэлепраграмы: «Из зала суда», «Здоровье», «Поле чудес», «Сельский час», «Очевидное невероятное», «Калыханка», «Клуб кинопутешественников», «В мире животных», «Человек и закон» ды іншыя.
У 22:50 пачнецца першая частка навагодняга канцэрта. У 23:50 прагучыць святочны зварот Святланы Ціханоўскай да беларусаў. Пасля 00:05 працягнецца навагодні канцэрт, які ў 01:05 зменіць навагодняе шоу ад «Белсата». У 02:05 пачнецца фільм-канцэрт «Народны альбом».
3 03:20 і да паловы на пятую ранку ў эфіры будзе «Чырвоны штраль» — канцэрт гурта «Крамбамбуля».
Годна
Падтрымліваць святочны настрой абяцае грамадская арганізацыя «Годна». У апошні дзень 2023 года а 19-й гадзіне па Мінску на яе ютуб-канале пачнецца навагодні выпуск. Абяцаюць шчырыя размовы з гасцямі, музыку, вясёлыя гульні і крыху рэфлексіі па сыходзячым годзе.
Вядучымі анлайн-свята стануць блогеры Ліза Ветрава і Мікіта Бялевіч. У госці да іх прыйдуць Мікіта Мелказёраў, вядучы ютуб-каналаў «Жыццё-маліна» і «Загляне сонца», гурт NaviBand, Наста Базар, ČORNABROVA — яна ж спявачка Паліна Дабравольская.
«З надыходзячым Новым годам, даражэнькія! Хай ён будзе разнастайным, цікавым, творчым, захапляльным, шчаслівым! А мы — каманда «Годна» — будзем разам з вамі, каб захапляцца Беларуссю, беларускамі і беларусамі, радаваць вас якасным кантэнтам! Заставайцеся з намі і з беларускай культурай, наперадзе ўсё самае цікавае!» — кажа Аліна Герашчанка, кіраўніца «Годна».
«о(б)суждаем»: Christmas edition
Сямнацаты выпуск гумарыстычнага шоу «о(б)суждаем» вядучыя Ваня Прус і Глеб Сямёнаў зрабілі святочным. Яны вырашылі падвесці вынікі года і раздаць званні і тытулы — а заадно і ўручыць залатыя оскараўскія статуэткі «мэйд ін чайна» (узнагарода, дарэчы, дасталася і «Нашай Ніве» — за член Гайдукевіча).
Лёгка, смешна і ненапружна. Мабыць, якраз тое, што патрэбна напрыканцы даволі цяжкага года.
Калядны кватэрнік у Марго Ляўчук
Маргарыта Ляўчук і Аляксандр Памідораў
Калі вы не паспелі паглядзець кватэрнік опернай дзівы Маргарыты Ляўчук на Каляды, цяпер самы час.
У выпуску — NAVIBAND, KOOB, Сяржук Доўгушаў, гурт мужчынскіх спеваў «Kasary», Пятро Клюеў, Аляксандр Памідораў, піяніст Кірыл Кедук, Алена ЖалудOk і Георгій Дабро.
«Прэм’ера шасці новых песень! Сучасныя аранжыроўкі вядомых і традыцыйных песень, аўтарскія творы, круты вайб, жарты і святочны настрой, суперскія вобразы артыстаў — гэта трэба бачыць!» — абяцае каманда кватэрніка.
Слухаць і спампаваць песні з кватэрніка можна тут.
Новы год з «Обычным утром»
Усе песні з навагодніх эфіраў «Обычного утра» сабралі ў адно відэа.
«Атрымлівайце асалоду ад акустычных версій любімых песень J:МОРС, NAVIBAND і Лявона Вольскага, а таксама аўтарскіх твораў Дзяніса Дудзінскага», — анансуе канал.
Аліўе-батл ад Халезіна
Навагодні выпуск кулінарнага шоу «Ператрэм». За святочным сталом рэжысёр Мікалай Халезін сабраў сваіх сяброў і зладзіў аліўе-батл двух рэцэптаў: французскага (арыгінальнага) і савецкага. Які варыянт аказаўся смачнейшы?
У гасцях вядучыя Дзяніс Дудзінскі і Каця Раецкая, салісты гурта NAVIBAND Арцём Лук'яненка і Ксенія Жук.
«Женщины тяжёлого поведения»
Гэта спецыяльны выпуск жаночага шоу, прысвечаны Новаму году і старым прававым звычкам, якія не хочацца браць з сабой у надыходзячы год.
За навагоднім сталом сустрэнуцца смелыя жанчыны, якія аднойчы вырашыліся ўзяць жыццё ў свае рукі, абараняць сваё, выбіраць сябе і заўжды адстойваць свае інтарэсы. Аўтаркі шоу — Марына Ментусава, Кацярына Раецкая і Настасся Карасёва. А ў госці прыйдуць Таісія Бекбулатава (заснавальніца незалежных выданняў «Холад» і «Коса», адна са 100 самых уплывовых і натхняльных жанчын свету 2022 года па версіі «Бі-бі-сі»), Рэната Немліхер (гештальт-тэрапеўтка) і Заліна Маршанкулава (журналістка, феміністка, аўтарка telegram-канала «Жаночая ўлада»).
Прыемны бонус: усе карысныя парады з выпуску ўжо сабраны ў зручны чэк-ліст, які можна спампаваць, каб потым выкарыстоўваць яго ў складаных жыццёвых сітуацыях.
Ток са Святланай Ціханоўскай
Ну і вядома, новы «Ток» са Святланай Ціханоўскай — рыса, якую мы падводзім перад новым 2024 годам. У ім спалучэнне прыватнага і грамадска важнага. Адказы на пытанні нашых гледачоў і чытачоў «Нашай Нівы», людзей, якія застаюцца ў Беларусі, а таксама лукашэнкаўцаў і проста хейтараў. Як трапляюць людзі ў Кабінет, ці жыве ў раскошы ды іншыя. У размове шмат асабістага: ці шкадуе, што пайшла ў ЦВК, ці стамілася, ці прабачыць Лукашэнку, што б сказала тым, хто набыў кватэру Ціханоўскіх, ці жыццё — турма і ці мае сваю асабістую прастору свабоды. У гутарцы — пасланне ўладам Літвы і новым уладам Польшчы, а таксама Аляксею і Юліі Навальным. І вядома — віншаванне беларусаў з Новым годам: тым, хто сустракае яго ў турме і на волі. Абсалютна вартая праграма.
00:00 — вырвана з кантэксту
00:25 — як сустракае Новы год
02:13 — ці чытае «Советскую Белоруссию»
02:50 — ці шкадуе, што пайшла ў ЦВК у 2020 годзе
04:19 — што б сказала тым, хто набыў кватэру Ціханоўскіх
06:36 — пра жыццё ў раёне «Усход» у Мінску
07:26 — як спалучала выбарчую кампанію з выкладаннем у школе
10:23 — як перамагла свой галоўны страх
14:43 — што дзеці памятаюць пра Беларусь
17:33 — апошнія навіны пра Сяргея Ціханоўскага
18:58 — жыццё — турма?
24:11 — дзе прастора свабоды
25:16 — калі прачынаецца і колькі працуе
27:19 — адказы на пытанні гледачоў ТОКа і чытачоў «Нашай Нівы»
27:55 — чаму не звальняе Франка Вячорку
29:28 — Пракоп'еў — чалавек-свята
33:09 — ці варта прызнаць паразу дзеля вызвалення палітвязняў
34:30 — «Адпусці людзей, не будзь баязліўцам»
36:13 — пытанні ад людзей знутры Беларусі
38:02 — што падштурхоўвае Беларусь да Расіі
41:21 — калі сыдзе з палітыкі і чаму не сыходзіць
43:19 — як замарозка канфлікту ва Украіне паўплывае на Беларусь
44:34 — ці ўзнікла хімія з Зяленскім
48:47 — аб прызначэнні Генадзя Манько
51:14 — як ацэньвае працу Сахашчыка
52:17 — каго прызначыць на замену Азараву
53:17 — пра раскол у «Байполе»
54:52 — што новага адкрыла пра Латушку
56:33 — пра «план Пракоп'ева»
1:00:33 — пра спробы перацягнуць чыноўнікаў на свой бок
1:02:14 — з чаго могуць вырасці перамены
1:05:06 — чаго чакаць ад Лукашэнкі ў год якасці
1:07:04 — ці баіцца Лукашэнка Ціханоўскай
1:09:18 — чаму Лукашэнка ваюе з жанчынамі
1:11:01 — пра Марыю Калеснікаву і Вераніку Цапкала
1:13:04 — пытанні ад лукашэнкаўцаў: «Калі б прыйшла Ціханоўская, была б вайна»
1:14:35 — дзе браць рэсурсы, калі не ў Расіі
1:15:44 — што казаць тым, каму няважная дэмакратыя
1:16:49 — Ціханоўская адказала, ці жыве ў раскошы
1:19:48 — што парадавала ў 2023 годзе
1:23:08 — пра сустрэчу з Байдэнам у Вільні
1:26:35 — пасланне кіраўніцтву Літвы
1:30:00 — пасланне новаму ўраду Польшчы
1:33:47 — як змянілася пазіцыя па Расіі
1:35:10 — чаму ў Расіі няма сваёй Ціханоўскай
1:38:12 — што б сказала Аляксею і Юліі Навальным
1:39:36 — што рабіць беларусам на выбарах у 2024 годзе
1:41:24 — ці скончыцца мандат Ціханоўскай у 2025-м
1:46:53 — хто будзе новым прэзідэнтам Беларусі
1:48:38 — БЛІЦ: Качанава ці Галоўчанка, Філіпенка ці Горват, адна дзяржаўная мова ці дзве
1:52:08 — чалавек года
1:52:50 — што б сказала палітвязням
1:54:26 — што б сказала прыхільнікам Лукашэнкі
1:55:39 — ці прабачыць Лукашэнку
1:56:53 — зычэнні беларусам у новым годзе
Чытайце таксама:
Выйшаў беларускі серыял «Працэсы». Расказваем, чаго чакаць
Маргарыта Ляўчук запрашае на калядны кватэрнік. Далучыцца можна анлайн
