Здымак ілюстрацыйны. Фота: gstudioimagen / vecteezy.com
Усяго ў іншаземцаў, якія пастаянна жывуць у Польшчы, за год нарадзілася 16 711 дзяцей. Гэта 5,5% усіх дзяцей, якія нарадзіліся ў Польшчы. За год іх колькасць вырасла амаль удвая: яшчэ ў 2021 годзе ў іншаземак нарадзілася 8970 дзяцей.
Колькі дзяцей нарадзілася ў Польшчы. Дзеці, народжаныя іншаземкамі, якія пастаянна пражываюць у Польшчы, у 2022 годзе. Крыніца: Stat.gov.pl
Такі рост звязаны галоўным чынам з прытокам бежанак з Украіны. Ва ўкраінак нарадзілася 13 738 дзяцей, гэта 82,2% усіх дзяцей.
Дзеці, народжаныя іншаземкамі, якія пастаянна пражываюць у Польшчы. Крыніца: Stat.gov.pl
За пяць гадоў іншаземкі сталі нараджаць у Польшчы ў чатыры разы часцей. Яшчэ ў 2017 годзе ў іх нарадзілася крыху больш за 4 тыс. дзяцей. Тады гэта быў толькі 1% усіх дзяцей, якія нарадзіліся ў краіне ў той год.
Між тым увогуле Польшча знаходзіцца ў дэмаграфічнай яме. У 2022 годзе ў краіне нарадзілася 305 тыс. дзяцей. Гэта самы нізкі паказчык з часоў заканчэння Другой сусветнай вайны.
Чытайце таксама:
У Беластоку запрацавала беларуская школа. У яе запісалася больш за 40 дзяцей
