Delfi.lt

Пра гэта расказала Delfi віцэ-міністр эканомікі і інавацый Ёвіта Нелюпшэне.

Яна паведаміла, што 43 беларускія прадпрыемствы ўжо пачалі працэс пераводу, а 37 яшчэ думаюць. Цікавасць да Літвы праяўляюць агулам 110 беларускіх прадпрыемстваў, яны маглі б стварыць у Літве каля 3 тыс. новых працоўных месцаў. «Гэтыя 3 тыс. беларусаў не павінны стварыць асаблівай рызыкі на рынку інфармацыйных тэхналогій)», — сказала яна.

У Літву пераважна хочуць перабрацца спецыялісты ІТ, якія працуюць у сферы стартапаў, што прадастаўляюць паслугі развіцця бізнэсу, стваральнікі гульняў.

Сёння парламенцкі камітэт абмеркаваў і зацвердзіў папраўкі да законаў аб інвестыцыях і аб занятасці або так званы пакет аб рэлакацыі работнікаў.

Калі папраўкі будуць прынятыя, на льготы змогуць прэтэндаваць прадпрыемствы, якія падпісалі дагаворы інвестыцый з урадам Літвы і абавязаліся інвеставаць як мінімум 1,45 млн еўра, стварыць як мінімум 20 новых працоўных месцаў і плаціць заробкі памерам 1,5 сярэдняй велічыні зарплаты ў самакіраванні, у якім будуць зробленыя капіталаўкладанні.

Па словах Ё. Нелюпшэне, дагаворы інвестыцый з урадам ужо падпісала 71 беларускае прадпрыемства. Міністэрства эканомікі і інавацый спадзяецца, што папраўкі ўступяць у сілу ўжо ў чэрвені.