U Poznani (Polšča) prajšła Mižnarodnaja vystava-kirmaš charčovaj pramysłovaści «Polagra-Food 2003». Tudy prybyli pradstaŭniki 770 firmaŭ i arhanizacyjaŭ z 35 krainaŭ śvietu. Biełaruskaja delehacyja skłała až 18 čałaviek.
Prapanovy firmaŭ, jakija vystavili na kirmašy svaju pradukcyju, vielmi raznastajnyja — ad miasa-małočnaj dy vina-harełačnaj pramysłovaści da vytvorčaści ŭpakovak dla praduktaŭ charčavańnia.
Našyja biznesoŭcy byli ździŭlenyja toj cikavaściu, jakuju vyjavili da ich pradukcyi zamiežnyja kalehi. «Voś ja prastajaŭ na stendzie niekalki hadzinaŭ i baču, jak adbyvajecca žyvaja hutarka. I pieršaje pytańnie polskich pradprymalnikaŭ: jak uvajści na biełaruski rynak, jak sertyfikujecca tavar, jak što zrabić, — kaža staršynia mienskaha Sajuzu pradprymalnikaŭ i pracadaŭcaŭ Uładzimier Karahin. — Polskija biznesoŭcy cikaviacca adrasami roznych dziaržaŭnych ustanovaŭ, orhanaŭ dziaržaŭnaj sertyfikacyi j standartyzacyi, adrasami kankretnych biełaruskich firmaŭ, jakija zajmajucca kankretnymi vidami pradukcyi».
Poŭny varyjant artykuła hladzicie ŭ haziecie "Naša Niva".
