Pad Łodździu raźbilisia prahramisty z «EPAM-systems»: mieli bilet na samalot, pajechali mašynaj 23

Adzin prahramier zaprasiŭ da siabie ŭ mašynu druhoha, razam ź siamjoj.

Palicyja miarkuje, što kiroŭca zadramaŭ za rulom unačy. Fota Jarasłava Kasmatki, dzienniklodzki.pl.

Paśla zdareńnia mašyna zaharełasia. Fota Jarasłava Kasmatki, dzienniklodzki.pl.

Troje zahinuli, dzicia pry śmierci. Fota Jarasłava Kasmatki, dzienniklodzki.pl.

Jak paviedamlała NN, Subaru Forester ź biełaruskimi numarami raźbiŭsia na źjeździe z kalcavoj polskaha horada Łodź unačy 18 listapada.

Aŭtamabil udaryŭsia ŭ bietonnuju aharodžu i zahareŭsia.

Siarod zahinułych — dva prahramisty, jakija pracavali ŭ niamieckim pradstaŭnictvie biełaruskaj IT-kampanii«EPAM-systems» u Frankfurcie-na-Majnie.

Adzin ź ich — 31-hadovy Viktar, jechaŭ razam z žonkaj Julijaj i 2-hadovym synam Siamionam. Jany tolki letam pierabralisia ŭ Hiermaniju.

Try čałavieki ŭ mašynie zahinuli.

Dvuchhadovaje dzicia cudam zastałosia žyvoje: pry avaryi jaho vykinuła z mašyny.

Heta jaho i ŭratavała. Miedyki viarnuli jaho da žyćcia, ale stan jaho pa-raniejšamu vielmi ciažki. Jano lažyć u «Centry zdaroŭja maci-polki» ŭ Łodzi (Polšča).

Znajomyja prahramisty z EPAM kažuć, što ŭ Viktara byli bilety na samalot, ale jon pryniaŭ prapanovu kalehi Ivana pajechać na aŭto.

Palicyja miarkuje, što kiroŭca moh zasnuć za rulom.

U kampanii pakul admaŭlajucca ad kamientaryjaŭ. Siabry pišuć, što prahramisty zanadta doŭha prastajali na miažy i tamu kiroŭca byŭ zmučany.

KM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH