Adzin z zasnavalnikaŭ kampanii Dreamworks Devid Hefan za 54 młn dalaraŭ kupiŭ pientchaus na Manchetanie. Jak paviedamlaje Forbes, uhoda stała rekordnaj u Ńju-Jorku dla kvater u kaapieratyŭnych žyłych kompleksach (soop), dzie ŭładalnik nabyvaje prava pražyvańnia, kuplajučy akcyi ci siabroŭstva ŭ kaapieratyvie.
Płošča kvatery, jakaja zajmaje dva vierchnija pavierchi ŭ 18-paviarchovym budynku Parc Cinq na Piataj avieniu, składaje 1 115 kvadratnych mietraŭ. U joj siem spalniaŭ, 11 vannych pakojaŭ, try kuchni, biblijateka, hukazapisvalnaja studyja, spartzała z saunaj, pamiaškańni dla prysłuhi i sad na dachu. U hałoŭnaj spalni abstalavanyja kinazała, jość kamin i dva asobnyja vannyja pakoi. Vokny pientchausa vychodziać na Centralny Park.
Pradaŭcom apartamientaŭ vystupiła kampazitar Denis Ryč. Pieršapačatkova jana płanavała vyručyć za nieruchomaść 65 miljonaŭ dalaraŭ, adnak paśla pahadziłasia źnizić canu kvatery.
Hetaja ŭhoda pabiła rekord maja 2012 hoda, kali miljarder Hovard Marks i jaho žonka nabyli dupleks u kaapieratyŭnym budynku na Park avieniu za 52,5 młn dalaraŭ.
0
0
0
0
0
0
