Hałoŭnaja muzyčnaja tema sahi «Zornyja vojny» pryznana samaj zapaminalnaj miełodyjaj u historyi kino pa vynikach apytańnia ŭ internecie.
Supracoŭniki sajta LoveFilm, viadomaha svaimi daśledavańniami ŭ halinie kiniematahrafii, apytali bolš za 2,5 tys. kinamanaŭ, kab vyśvietlić, jakuju zakadravuju muzyku jany ličać samaj pamiatnaj.
Pavodle atrymanych vynikaŭ, najlepšym saŭndtrekam usich časoŭ nazvali miełodyju, jakaja hučyć pry źjaŭleńni vialikich tytraŭ va ŭsich epizodach «Zornych vojnaŭ» Džordža Łukasa.
Aŭtaram hetaj «vybitnaj i dramatyčnaj kampazicyi» źjaŭlajecca piacirazovy łaŭreat premii «Oskar» za muzyku da filmaŭ Džon Uiljams.
Za muzyku da «Zornych vojnaŭ» Džon Uiljams atrymaŭ «Oskara» i try Grammy. Usiaho ž za svaju karjeru akramia ŭznaharodžańnia piaćciu «Oskarami» kampazitara naminavali na ŭznaharodu Amierykanskaj kinaakademii 43 razy, jon taksama atrymaŭ 17 Grammy i 2 ŭznaharody Emmy.
Siarod inšych viadomych filmaŭ, da jakich napisaŭ muzyku Uiljams: «Jak vykraści miljon», «Supiermen», «Indyjana Džons: U pošukach stračanaha kaŭčeha», «Adzin doma», «Park Jurskaha pieryjadu», «Vyratavać radavoha Rajana».
Hałoŭnaja tema fantastyčnaj sahi abyjšła pa papularnaści znakamituju miełodyju z «bandyjany» i muzyku da trylera «Skivicy», jakija zaniali ŭ apytańni druhoje i treciaje miescy adpaviedna.U «dziasiatku» najbolš zapaminalnych kinamiełodyj pa viersii «Lovefilm» — saŭndtreki z «Roki», «Palaŭničych na pryvidaŭ», «Indyjany Džonsa» i «Chrosnaha baćki».
A jakuju b Vy nazvali miełodyju z kino?
