Pa stanie na 28 śniežnia, siaredniaja kolkaść naviednikaŭ NN.BY składaje 23.140 u dzień. Heta statystyka sajta Akavita.by. Za dzień jany prahladajuć 155.000 staronak.
Aŭdytoryja NN vyrasła ŭ 4 razy proci stanu na 15 śniežnia 2010 hoda.
Zhodna z Audience.by, u kastryčniku NN.by mieła 117.000 realnych karystalnikaŭ, jakija naviedali 3 713 241 staronak. A ŭ lipieni — heta byŭ rekordny miesiac — až 192 tysiačy! (Dla paraŭnańnia: u listapadzie 2010 jana składała 27.000.)
U studzieni maje źjavicca Mobile. NN.BY — viersija sajta z karcinkami, adaptavanaja dla mabilnych telefonaŭ.
Karaciej, NN budzie pracavać dalej. Jak pisali našy papiaredniki ŭ 1906 hodzie, «pastarajemsia być lustram žyćcia. Nie budziem pisać hromka. Budziem spakojna, ćviorda kidać usim praŭdu ŭ vočy; pastarajemsia być ciarplivymi i panavać nad saboj; niachaj chałodny rozum mocna trymaje ŭ rukach haračaje serca…»
Z Novym hodam, siabry! Navat 31 śniežnia i 1 studzienia Vy zmožacie sačyć za padziejami ŭ Biełarusi i śviecie praz NN.BY.
