U Biełarusi budzie paetapna pavyšacca apłata za ŭtrymańnie dziaciej u daškolnych ustanovach adukacyi, paviedamiŭ namieśnik ministra adukacyi Kazimir Faryno.
Pavodle jaho słoŭ,
siońnia heta apłata składaje štomiesiac ad 40 da 80 tys. rubloŭ u zaležnaści ad vidu i typu ŭstanovy adukacyi. Heta suma pakryvaje tolki 40% koštu charčavańnia dziaciej.Faryno pryvioŭ u paraŭnańnie košt naviedvańnia dziciem daškolnaj ustanovy «na Zachadzie», jakaja, pavodle jaho słoŭ, składaje ad 400 da 800 jeŭra za miesiac.
«Biezumoŭna, budzie adbyvacca pavyšeńnie apłaty za ŭtrymańnie dziaciej u daškolnaj ustanovie, ale heta budzie adbyvacca paetapna, paśladoŭna, z ulikam finansavaha stanu ŭ cełym našaj dziaržavy, ekanomiki», — skazaŭ Faryno. Pavodie jaho słoŭ, vyvučajecca taksama mahčymaść dyfierencyjacyi apłaty za ŭtrymańnie dziaciej u daškolnaj ustanovie ŭ zaležnaści ad dachodaŭ baćkoŭ.
Namieśnik ministra taksama paviedamiŭ, što z ulikam ciapierašniaj ekanamičnaj situacyi isnuje prablema ŭ zabieśpiačeńni charčavańnia dziaciej u daškolnych ustanovach u adpaviednaści z narmatyvami, raspracavanymi ŭ Ministerstvie achovy zdaroŭja. «Chaciełasia b, kab baćki pravilna ŭsprymali heta», — pradoŭžyŭ Faryno. Pavodle jaho słoŭ, baćki daškolnikaŭ majuć prava ŭnosić dapłatu na charčavańnie dziaciej praz papiačycielskija saviety. Heta dazvolić poŭnaściu vykanać «hrašovyja i naturalnyja» normy charčavańnia.
Faryno zaznačyŭ, što
zbory srodkaŭ z baćkoŭ praz papiačycielski saviet ustanovy adukacyi — lehalnyja i publičnyja;usie astatnija «zbory, pabory ŭ sistemie adukacyi źjaŭlajucca nieaficyjnymi i niezakonnymi».
