Sudovaje śledstva pa spravie Kanavałava i Kavalova zavieršana 2

Apošnimi materyjałami, abnarodavanymi padčas hetaha etapu sudovaha pracesu pa spravie ab teraktach, byli dopyty žychara Viciebska Žołudzieva, jaki mieŭ ahulnych siabroŭ z Kanavałavym i Kavalovym. Stała viadoma ab pachodžańni dźviuch 75-hramovych i adnoj 400-hramovaj tratyłavych šašak, jakija, jak vynikaje z materyjałaŭ spravy, Kanavałaŭ vykarystoŭvaŭ pry vyrabie vybuchovych rečyvaŭ.

Hetyja šaški Žołudzieŭ ukraŭ padčas svajoj słužby ŭ pačatku 2000-ch hadoŭ u inžyniernych vojskach. U siaredzinie 2000-ch hadoŭ dźvie 75-hramovyja šaški ŭ Žołudzieva nabyŭ susied Kanavałava Jaŭhien Kuksionak. Zatym jany apynulisia ŭ Kavalova, a potym — u Kanavałava.

Pratakoły hetych dopytaŭ sudździa Alaksandr Fiedarcoŭ začytaŭ pavodle prośby abarony abvinavačanych. Taksama pavodle prośby advakataŭ byŭ začytany akt ab raźminavańni samarobnaj vybuchovaj pryłady, jakaja była znojdziena 3 lipienia 2008 hoda ŭ Minsku.

Na padstavie chadajnictva dziaržaŭnaha abvinavačańnia sudździa abviaściŭ pratakoł ahladu minskaj kvatery ŭ domie pa vuł. Zasłaŭskaja, jakuju Dźmitryj Kanavałaŭ arandavaŭ 3–4 lipienia 2008 hoda.

U pracesie abjaŭleny pierapynak da 11.00 14 listapada. U hety dzień u sudzie pačnucca sprečki bakoŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH