Kolkaść kiroŭcaŭ, jakija sieli z pačatku hetaha hoda za rul u stanie apjanieńnia i byli zatrymanyja inśpiektarami DAI, pieravysiła 40 tysiač čałaviek.
Z pačatku hoda pa vinie niećviarozych vadzicielaŭ na darohach krainy zahinuli 140 i atrymali kalectvy 713 čałaviek. Štodnia ŭ vychodnyja, u tym liku i pry praviadzieńni kompleksnych mierapryjemstvaŭ «Filtr», vyjaŭlajecca bolš za 200 niećviarozych kiroŭcaŭ.
DAI nahadvaje, što za kiravańnie transpartnym srodkam u stanie apjanieńnia kiroŭca pryciahvajecca da adkaznaści ŭ vyhladzie štrafu ŭ pamiery ad 15 da 35 bazavych vieličyń (ad 525 tysiač da 1 miljona 225 tysiač rubloŭ) z pazbaŭleńniem prava kiravańnia transpartnymi srodkami terminam na try hady. Kali pjany da taho ž nie maje prava kiravańnia, to heta karajecca štrafam u pamiery ad 25 da 45 bazavych vieličyń (ad 875.000 da 1 miljona 575 tys. rubloŭ).
Za paŭtornaje na praciahu hoda kiravańnie ŭ niećviarozym stanie jon pryciahvajecca da kryminalnaj adkaznaści.
